'දීඝදන්තු' වෙනුවෙන් නීතීඥවරුන් 12 දෙනෙකු අධිකරණය හමුවේ.. මරණයේ සැකකරු ලබන 26 තෙක් රිමාන්ඩ්..
Piyumika
දීඝදන්තු හස්තියාගේ මරණය සම්බන්ධයෙන් සැකකාර තැනැත්තා ලබන (26) තෙක් රිමාන්ඩ් භාරයේ තබන්නැයි කැකිරාව මහේස්ත්‍රාත් අධිකරණය නියෝග කොට තිබෙනවා.
ගල්කිරියාගම, ආඩියාගල ප්‍රදේශයේ ගෙවත්තකදී වීදුලිසෑර වැදීමෙන් මියගිය දීඝදන්තු 01 හස්තියාගේ මරණය සම්බන්ධයෙන් වූ නඩුව අද (12) කැකිරාව මහේස්ත්‍රාත් අධිකරණයේදී යළි විභාගයට ගත්තා.
එහිදී දෙපාර්ශ්වයේ කරුණු සලකා බලමින් සැකකරු ලබන (26) තෙක් නැවත රක්ෂිත බන්ධනාගාරගත කිරීමටයි නියෝග කෙරුණේ.
ගල්කිරියාගම වනසත්තව අඩවි ආරක්ෂක කාර්යාලයේ වනසත්ව නියාමක සඳුන් හේමනායක හා වනසත්ව අඩවි ආරක්ෂක ආර්.එම්.රත්නායක යන අය විසිනුයි එම ඇතාගේ මරණය සම්බන්ධයෙන් වූ වැඩිදුර වාර්තා අධිකරණයට ඉදිරිපත් කළේ.
මියගිය දීඝදන්තු හස්තියා වෙනුවෙන් කරුණු දැක්වීමට වන සත්ව හා පරිසරය සංවිධාන මෙන්ම, වන සත්ව ලෝලීන් නියෝජනය කරමින් නීතීඥවරුන් 12 දෙනෙකු අධිකරණය හමුවේ පෙනී සිට තිබෙනවා.
මේ අතර විත්තිය වෙනුවෙන් පෙනී සිටි නීතීඥවරුන් ගණන 6කි.
You may like this video
