සුරේෂ් සලේව දිනපතා බලන දෙන්න - සලේගේ බිරිඳගෙන් CIDයට ලියුම් දෙකක් යයි - මෙන්න අද විස්තරේ

රාජ්‍ය බුද්ධි සේවයේ හිටපු අධ්‍යක්ෂ සුරේෂ් සලේ මහතාගේ බිරිඳ සහ නීතිඥවරයා අපරාධ පරීක්ෂණ දෙපාර්තමේන්තුවේ අධ්‍යක්ෂවරයාට ලිපි දෙකක් යොමු කරමින් සුරේෂ් සලේ මහතා දිනපතා බැලීමට අවස්ථාව ලබාදෙන ලෙස ඉල්ලීම් කර ඇත.

අපරාධ පරීක්ෂණ දෙපාර්තමේන්තුව භාරයේ සිටින රාජ්‍ය බුද්ධි සේවයේ හිටපු අධ්‍යක්ෂ විශ්‍රාමික මේජර් ජනරාල් සුරේෂ් සලේ මහතා රෝගී තත්ත්වයන්ට කොළඹ ජාතික රෝහලේ ප්‍රතිකාර ලබමින් සිටින අතර ඔහු පාස්කු ඉරුදින ත්‍රස්ත ප්‍රහාරය සම්බන්ධයෙන් සිදුකෙරෙන විමර්ශනවලට අදාළව රැඳවුම් නියෝග මත සිටියි.

ඊයේ (10) කොටුව මහෙස්ත්‍රාත් අධිකරණයේ කැඳවූ අවස්ථාවේ ඔහුගේ වත්මන් තත්ත්වය පිළිබඳ සලකා බලා සෑම දිනකම රෝගීන් බැලීමට ලබාදෙන කාලයේදී ඔහුගේ බිරිඳට සහ පුතාට ඔහු බැලීමට අවස්ථාව ලබාදෙමින් නියෝගයක් නිකුත් කරන ලෙස සුරේෂ් සලේ මහතා වෙනුවෙන් පෙනී සිටි නීතිඥයින් අධිකරණයෙන් ඉල්ලා සිටියේය.

අපේ සත්‍යග්‍රහය කඩාකප්පල් කරන්න පිරිසක් එනවා කියලා ඊයේ අපිට බුද්ධි අංශ කලින්ම දැනුම් දුන්නා - ගම්මන්පිල

නමුත් සැකකරු ත්‍රස්තවාදය වැළැක්වීමේ පනතේ විධිවිධාන ප්‍රකාරව රැඳවුම් භාරයේ ප්‍රතිකාර ලබමින් සිටින බැවින් එවැනි නියෝගයක් නිකුත් කිරීමට තමන්ට බලයක් නොමැති බව පැවසූ කොටුව මහෙස්ත්‍රාත් පසන් අමරසේන මහතා එම ඉල්ලීම ඉවත දැමූවේය.

මෙවැනි පසුබිමක අපරාධ පරීක්ෂණ දෙපාර්තමේන්තුව භාරයේ කොළඹ ජාතික රෝහලේ ප්‍රතිකාර ලබමින් සිටින සිය ස්වාමිපුරුෂයා දිනපතා බැලීමට අවසර ලබාදෙන ලෙස ඉල්ලා සුරේෂ් සලේ මහතාගේ බිරිඳ අපරාධ පරීක්ෂණ දෙපාර්තමේන්තුවේ අධ්‍යක්ෂ ශානි අබේසේකර මහතාට ලිපියක් යොමු කර තිබේ.

මේ අතර සුරේෂ් සලේ මහතාගේ නීතිඥ අසිත් සිරිවර්ධන මහතා ද ජාතික රෝහලේ ප්‍රතිකාර ලබමින් සිටින සිය සේවාදායකයාව දිනපතා බැලීමට අවසර ඉල්ලා අපරාධ පරීක්ෂණ දෙපාර්තමේන්තුවේ අධ්‍යක්ෂවරයා වෙත ලිපියක් යොමු කර ඇත.

ජූනි 15 සිට රටටම වෙන්න යන දේ මෙන්න - රජයෙන් විශේෂ සතියක් ප්‍රකාශයට

ඉන් පෙන්වා දී ඇත්තේ මරාන්තික උපවාසයක යෙදී සිටින සිය සේවාදායකයාගේ තත්ත්වය නිරන්තරයෙන් නිරීක්ෂණය කරමින් ඒ පිළිබඳ අධිකරණයට කරුණු වාර්තාකර ඔහුගේ අයිතිවාසිකම් හා සුබසාධනය සැලසීමට තමන්ට වෘත්තීමය වගකීමක් ඇති බවය.

එසේම සිය සේවාදායකයා සමඟ අඛණ්ඩව අදහස් හුවමාරු කරගැනීම අවශ්‍ය බවද පෙන්වා දෙන නීතිඥවරයා දිනපතා සිය සේවාදායකයා හමුවීමට අවස්ථාව ලබාදෙන ලෙස සිය අපරාධ පරීක්ෂණ දෙපාර්තමේන්තුවේ අධ්‍යක්ෂවරයාගෙන් ඉල්ලා තිබේ.

මේ අතර පාස්කු ඉරුදින ත්‍රස්ත ප්‍රහාරය සම්බන්ධයෙන් සිදුකෙරෙන විමර්ශනවලට බාධා නොකරන ලෙසත්, සාධාරණ විමර්ශනයක් පවත්වන ලෙසත් ඉල්ලා මීගමුව කොළඹ ප්‍රධාන මාර්ගයේ බාල්දිය මංසන්ධිය අසලදී අද (11) නිහඬ විරෝධතාවයක් පැවැත්විය. එය සංවිධානය කර තිබුණේ කටුවපිටිය දේවස්ථානයට එල්ල වූ ත්‍රස්ත ප්‍රහාරයේ වින්දිත ජනතාව විසිනි.

දුරකථනයක් භාවිතා කරනවානම් හෝ බැංකු ගිණුමක් තියෙනවනම් අනතුරු ඇඟවීමක් - ශ්‍රී ලංකා පොලිසියෙන් විශේෂ නිවේදනයක්