පානිය ජල බෝතල් වැඩි මිලට අලෙවි කළ සුපිරි වෙළඳ සැලකට මිලියන දෙකක දඩයක්...

පානීය ජල බෝතල් වැඩිමිලට අලෙවිකළ යුනියන් පෙදෙසෙහි පිහිටි සුපිරි වෙළෙඳසැල් ජාලයකට අයත් ශාඛාවකට මිලියන 2ක දඩයක් නියම කර තිබෙනවා.

පාරිභෝගික කටයුතු පිළිබඳ අධිකාරිය විසින් ඉකුත් අප්‍රේල් 1වනදා සිට දේශීයව නිෂ්පාදනය කරනු ලබන පානීය ජල බෝතල් සඳහා උපරිම සිල්ලර මිලක් නියම කළ අතර, එය උල්ලංඝනය කිරීම හේතුවෙන් මෙම දඩය පනවා තිබෙනවා.

මේ වනවිට මි.ලී. 500 ජල බෝතලයකට රු. 70ක් ලෙසත්, ලීටර් 1 ජල බෝතලයකට රු. 100ක් ලෙසත්, ලීටර් 1.5 ජල බෝතලයකට රු. 130ක් ලෙසත්, ලීටර් 2 ජල බෝතලයකට රු. 160ක් ලෙසත් හා ලීටර් 5 ජල බෝතලයක් රු. 350ක් ලෙසත් උපරිම සිල්ලර මිලක් නියම කර ඇත.

අදත් පස්වරු 1න් පස්සේ එලියට යනවනම් කුඩයක් අරන් යන්න

පාරිභෝගික කටයුතු පිළිබඳ අධිකාරිය ඉකුත් අප්‍රේල් 23වනදා වැටලීමක් සිදුකර ඇත්තේ අදාළ සුපිරි වෙළෙඳසැල් ශාඛාවක ලීටරයේ පානීය ජල බෝතලයක් රුපියල් 130ක මුදලකට අලෙවිකිරීම සම්බන්ධවයි.

අදාළ සමාගමට එරෙහිව පවරන ලද නඩුව ඊයේ (8) අලුත්කඩේ අංක 5 ප්‍රධාන මහේස්ත්‍රාත් අධිකරණයේ දී කැඳවූ අවස්ථාවේදී එම සුපිරි වෙළෙඳසැල වරද පිළිගෙන ඇත.

ඉන් අනතුරුව මෙම දඩ මුදල නියමකර තිබේ.

මේ අතර පානීය ජල බෝතල් වැඩි මිලට අලෙවි කළ තවත් වෙළෙඳසැල් 5කටද රුපියල් ලක්ෂය බැගින්, ලක්ෂ 5ක දඩ මුදලක් අධිකරණය මගින් නියම කර ඇත.

පාරිභෝගික කටයුතු පිළිබඳ අධිකාරිය මගින් පසුගිය මාසය තුළ පානීය ජල බෝතල් වැඩිමිලට අලෙවි කිරීම සම්බන්ධ වැටලීම් 138ක් පමණ කර තිබේ.

මැතිවරණ කොමිෂන් සභාවෙන් නිවේදනයක්....