මෙන්න මේ දිස්ත්‍රික්ක වලට ප්‍රබල අකුණු අනතුරු ඇගවීම්

 දිස්ත්‍රික්ක 11කට ප්‍රබල අකුණු පිළිබඳව අවවාදාත්මක නිවේදනයක් කාලගුණ විද්‍යා දෙපාර්තමේන්තුව විසින් නිකුත් කර ඇත එය අද (30) රාත්‍රී 11.30 දක්වා වලංගු බව එම නිවේදනයේ දක්වා තිබේ.

ඒ අනුව සබරගමුව, මධ්‍යම, උතුරු-මැද පළාත් සහ වව්නියාව, මුලතිව්, කුරුණෑගල සහ ත්‍රිකුණාමලය යන දිස්ත්‍රික්කවලත් ඇතැම් ස්ථානවල පස්වරු 1.00න් පමණ පසුව ගිගුරුම් සහිත වැසි සමඟ ප්‍රබල වැසි ඇති විය හැකිය.

එමෙන්ම සබරගමුව, මධ්‍යම සහ උතුරු-මැද පළාත්වල සහ ත්‍රිකුණාමලය දිස්ත්‍රික්කයේ ඇතැම් ස්ථානවලට මි.මී. 50ට වැඩි තරමක තද වැසි ඇති විය හැකි බව කාලගුණ විද්‍යා දෙපාර්තමේන්තුව සඳහන් කරයි. දකුණු පළාතේ සහ කළුතර දිස්ත්‍රික්කයේ ඇතැම් ස්ථානවල උදෑසන කාලයේදීත් වැසි ඇතිවිය හැකිය.

ප්‍රවේසම් වෙන්න - ප්‍රබල අකුණු පිළිබඳව අවවාදාත්මක නිවේදනයක්

මධ්‍යම, සබරගමුව, උතුරු-මැද සහ ඌව පළාත්වල ඇතැම් ස්ථානවල අළුයම් කාලයේදී මීදුම් සහිත තත්ත්වයක් පැවතිය හැකි බව කාලගුණ දෙපාර්තමේන්තුව නිකුත් කළ නිවේදනයේ වැඩිදුරටත් සදහන් වේ.

රුපියල තවදුරටත් අවප්‍රමාණය වෙයි - අද දින ඩොලරයේ මිල ගණන් මෙන්න