පැපුවා නිව්ගිනියාව ආසන්නයේ ඇති වූ ප්‍රබල භූමිකම්පාව
Shehan
පැපුවා නිව්ගිනියාව ආසන්නයේ ප්‍රබල භූමිකම්පාවක් පැපුවා නිව්ගිනියාව ආසන්නයේ රිච්ටර් මාපකයේ 6.9ක ප්‍රබලත්වයකින් යුත් භූමිකම්පාවක් සිදුවූ බව එක්සත් ජනපද භූවිද්‍යා සමීක්ෂණ ආයතනය (USGS) පවසයි.
මෙම භූමිකම්පාව අද (5) උදෑසන එරට වේලාවෙන් ඇති වී තිබෙනවා.
පැපුවා නිව්ගිනියාවට අයත් බටහිර දිශාවේ පිහිටි නව බ්‍රිතාන්‍ය දූපත ආසන්නයේ මෙම සිදුවීම වාර්තා වී ඇත. එම දූපතේ අගනුවර වන කිම්බේ (Kimbe) සිට කිලෝමීටර් 194ක් ගිනිකොන දෙසින් මෙම භූමිකම්පාව හටගෙන තිබෙනවා.
එසේම, මෙම භූමිකම්පාවෙන් පසු රිච්ටර් මාපකයේ 5.3ක ප්‍රබලත්වයකින් යුත් පසුකම්පනයක් ඇතුළු පසුකම්පන කිහිපයක් ද වාර්තා වී ඇති බව USGS දත්තවල සඳහන්.
භූමිකම්පාව හේතුවෙන් වෙරළබඩ ප්‍රදේශවලට සුනාමි තර්ජනයක් ඇති විය හැකි බවට පුරෝකථනය කරමින්, පැපුවා නිව්ගිනියාව සඳහා සුනාමි අනතුරු ඇඟවීම් නිකුත් කිරීමට එම සමීක්ෂණ මධ්‍යස්ථානය පියවර ගෙන තිබුණා.
කෙසේ වෙතත්, පසුව එම සුනාමි අනතුරු ඇඟවීම අවලංගු කර ඇති බව වාර්තා වෙනවා.
