කොටස් වෙළෙඳපොළ අදත් ඉහළට - ප්‍රාග්ධන භාණ්ඩ අංශයෙන් පෙරමුණේ වර්ධනයක්

කොළඹ කොටස් වෙළෙඳපොළේ ප්‍රධාන දර්ශක අඟහරුවාදා පෙරවරුවේ සුළු ඉහළ යාමක් පෙන්නුම් කරමින් සමතලා මට්ටමක ගනුදෙනු වූ බව කොළඹ කොටස් වෙළෙඳපොළ දත්ත පෙන්වා දෙයි.

ඒ අනුව සියලු කොටස් මිල දර්ශකය (ASPI) ඒකක 2.59කින් ඉහළ ගොස් ඒකක 21,347.36ක් ලෙස සටහන් වූ අතර, වඩාත් ද්‍රවශීලී S&P SL20 දර්ශකය සියයට 0.09කින් හෙවත් ඒකක 5.16කින් ඉහළ ගොස් ඒකක 6,014.56ක් ලෙස සටහන් විය.

ASPI දර්ශකයට ධනාත්මක දායකත්වයක් ලබාදුන් සමාගම් අතර කොමර්ෂල් බැංකුව සියයට 0.62කින් ඉහළ ගොස් රුපියල් 203.25ක් ලෙසත්, RIL Property සියයට 2.93කින් ඉහළ ගොස් රුපියල් 24.60ක් ලෙසත්, Browne’s Investments සියයට 2කින් ඉහළ ගොස් රුපියල් 5.10ක් ලෙසත්, LOLC Holdings සියයට 0.69කින් ඉහළ ගොස් රුපියල් 475ක් ලෙසත් ගනුදෙනු විය.

රටකජු මිල පහතට.. රටකජු වගාවෙන් ඉවත් වන බවට ගොවීන් අනතුරු අඟවයි

මේ අතර, Cargills (Ceylon) සියයට 0.11කින් පහළ ගොස් රුපියල් 680ක් ලෙසත්, Dialog Axiata සියයට 0.85කින් පහළ ගොස් රුපියල් 46.70ක් ලෙසත් ගනුදෙනු වූ අතර, එම සමාගම් දර්ශකයට ප්‍රධාන ඍණාත්මක දායකත්වයක් ලබාදුන්නේය.

වෙළෙඳපොළේ මුළු පිරිවැටුම රුපියල් මිලියන 89.95ක් වූ අතර, එහිදී ප්‍රාග්ධන භාණ්ඩ අංශය රුපියල් මිලියන 29.94ක පිරිවැටුමක් වාර්තා කරමින් ඉදිරියෙන් සිටියේය.

මේ අතර, Resus Energy සමාගම 2025 හරිත බැඳුම්කර නිකුතුවෙන් ලැබුණු මුදල් වෙන් කිරීම සම්බන්ධයෙන් සුළු සංශෝධනයක් සිදුකර ඇති බව කොළඹ කොටස් වෙළෙඳපොළ වෙත දැනුම් දී තිබේ.

ඒ අනුව කාලීන ණය පියවීම සඳහා මුලින් වෙන් කර තිබූ රුපියල් මිලියන 240.23ක මුදල රුපියල් මිලියන 235.43ක් දක්වා සංශෝධනය කර ඇති අතර, වාණිජ පත්‍ර පියවීම සඳහා වෙන් කර තිබූ රුපියල් මිලියන 208.06ක මුදල රුපියල් මිලියන 212.86ක් දක්වා සංශෝධනය කර තිබේ.

සූර්ය බලශක්ති ව්‍යාපෘති සඳහා වෙන් කර තිබූ රුපියල් මිලියන 551.71ක මුදලෙහි කිසිදු වෙනසක් සිදුකර නොමැත. මේ අතර, Resus Energy කොටස් සියයට 1.16කින් පහළ ගොස් රුපියල් 8.50ක මිලකට ගනුදෙනු වෙමින් පැවතිණි.

මුහුද පිළිබඳ ධීවර සහ නාවික ප්‍රජාවට දැනුම්දීමක් - තද සුළං සහ මුහුද රළු වන ප්‍රදේශ මෙන්න