ශ්‍රීලංකන් ගුවන් සේවයෙන් කුවේට් ගමනාන්තයට සුබ ආරංචියක් - සතියට දින 6ක්ම ගුවන් ගමන් යළි ඇරඹෙයි

ශ්‍රීලංකන් ගුවන් සේවය කොළඹ සහ කුවේට් අතර ගුවන් ගමන් යළි ආරම්භ කර ඇති අතර, සතියකට ගුවන් ගමන් වාර හයක් ක්‍රියාත්මක කිරීමට කටයුතු කර තිබේ.

ගුවන් සමාගම සඳහන් කළේ, UL229 ගුවන් යානය සෑම සඳුදා, අඟහරුවාදා, බ්‍රහස්පතින්දා, සිකුරාදා, සෙනසුරාදා සහ ඉරිදා දිනකම පස්වරු 5.10ට කොළඹින් පිටත් වී රාත්‍රී 8.05ට කුවේට් වෙත ළඟා වන බවයි.

ආපසු ගමන් කරන UL230 ගුවන් යානය එම දිනවලම රාත්‍රී 9.10ට කුවේටයෙන් පිටත් වී පසුදා අලුයම 5.15ට කොළඹට ළඟා වේ.

ඒ අනුව, බදාදා දිනය හැර සතියේ අනෙකුත් සියලුම දිනවල කොළඹ සහ කුවේට් අතර නිතිපතා මගී ගුවන් සේවා ක්‍රියාත්මක කිරීමට ශ්‍රීලංකන් ගුවන් සේවය පියවර ගෙන තිබේ.

පහ ශ්‍රේණිය ශිෂ්‍යත්ව විභාගය අද ආරම්භයි - ගුරුවරුන්ට හා දෙමව්පියන්ට නිවේදනයක්