මෙරට පුද්ගලයන්ගේ පැණිරස ආහාර ගැනීම ගැන නොහිතපු අනාවරණයක්

පැණි රස වෙනුවට ආදේශක ආහාරයකට යොමුවීමේ වැදගත්කම පෙන්වාදෙමින් සෞඛ්‍ය අමාත්‍යාංශය Suger Tax නැවත බලාත්මක කිරිම පිළිබඳව අවධානය යොමුකරන බව නියෝජ්‍ය අධ්‍යක්ෂ ජනරාල් (දන්ත සේවා) විශේෂඥ වෛද්‍ය චන්දන ගජනායක මහතා සදහන් කර තිබේ.

  ලෝක සෞඛ්‍ය සංවිධානයේ නිර්දේශය අනුව පුද්ගලයෙක් නිරෝගීව සිටීමට වසරකට සීනි කිලෝග්රැම් 10 ක් පමණක් භාවිත කළ යුතුය .

නමුත් මෙරට පුද්ගලයෙක් වසරකට සීනි කිලෝග්රෑම් 34 ක් භාවිතා කරන බවට අනාවරණය වී තිබෙන බව ඔහු පෙන්වා දී තිබේ.

සෞඛ්‍ය හා ජනමාධ්‍ය අමාත්‍යාංශය ලබන සතියේ ආරම්භ කිරීමට නියමිත ශ්‍රී ලංකාවේ 5 වන ජාතික මුඛ සෞඛ්‍ය සමීක්ෂණය පිළිබඳ දැනුවත් කිරීමේ මාධ්‍ය හමුවට එක්වෙමින් විශේෂඥ වෛද්‍ය චන්දන ගජනායක මහතා එම අදහස් ප්‍රකාශ කර තිබේ.

''ජීවිතේ කියන්නෙ ජයග්‍රහණයන් වගේම පරාජයන් මතින් ලැබෙන අත්දැකීම් වල සම්මිශ්‍රණයක් '' ජීවිතේ දිනන්න ඩඩ්ලිගෙන් පාඩමක්

 මුඛ සෞඛ්‍ය තත්ත්වය පිළිබඳ වසර 10 කට වරක්වත් ජාතික මට්ටමේ මුඛ සෞඛ්‍ය සමීක්ෂණයක් කළ යුතු බවට ලෝක සෞඛ්‍ය සංවිධානය නිර්දේශ කර ඇත.

ශ්‍රී ලංකාව අඛණ්ඩව එය සිදුකරන රටවල්වලින් එකක් බව නියෝජ්‍ය අධ්‍යක්ෂ ජනරාල් (දන්ත සේවා) විශේෂඥ වෛද්‍ය චන්දන ගජනායක මහතා ප්‍රකාශ කර ඇත.

මාළු මිල අඩු වෙයිද? මෙන්න විස්තරේ