සේවකයින් 6000කගේ රැකියා අහිමි වීමේ අවදානමක්.

කඩිනමින් ශ්‍රී ලංකන් ගුවන් සමාගම  ප්‍රතිව්‍යුහගතකරණය නොකළහොත් එහි සේවකයන් 6000කගේ පමණ රැකියා අහිමි වීමේ අවදානමක් පවතියි.

ඒ සම්බන්ධයෙන් අදහස් දක්වමින් වරාය හා සිවිල් ගුවන් සේවා අමාත්‍ය නිමල් සිරිපාල ද සිල්වා කියා සිටියේ, දිගින් දිගටම අලාභ ලබන ශ්‍රී ලංකන් ගුවන් සමාගම නඩත්තු කිරීම රජයට අඛණ්ඩව සිදු කළ නොහැකි බවයි.

එමෙන්ම ජනතාවගේ බදු මුදල් තවදුරටත් නාස්ති කිරීම අසාධාරණ බවත්, ශ්‍රී ලංකන් ගුවන් සමාගම ප්‍රතිව්‍යුහගතකරණය කිරීමට අදාල කටයුතු සිදුකිරීමට අන්තර්ජාතික මූල්‍ය විශේෂඥයන්ගේ සහාය ලබා ගැනීමට පියවර ගෙන ඇති බවත්, සහ ඉතා විනිවිදභාවයකින් යුතුව එම කටයුතු සිදු කිරිම රජයේ අරමුණ බවත් පැවසීය.

ඊයේ (30)  'ස්ථාවර රටකට සැවොම එක මඟකට' මැයෙන් ජනාධිපති මාධ්‍ය කේන්ද්‍රයේ සංවිධානය කර තිබූ මාධ්‍ය හමුවට එක්වෙමින් අමාත්‍යවරයා මේ බව කියා සිටියේ ය.