වාහන ලියාපදිංචිය ගැන අලුත්ම පුවතක් මෙන්න - වාහන ගන්න ඔබට සුභ ආරංචියක්

'එච්.එන්.බී. ස්ටොක්බ්‍රෝකර්ස්' ආයතනය නිකුත් කළ නවතම දත්ත වාර්තාවක දැක්වෙන්නේ සැප්තැම්බර් මාසය තුළ මෙරට අලුතින් ලියාපදිංචි කරන ලද සමස්ත වාහන සංඛ්‍යාව 53,856ක් දක්වා සැලකිය යුතු ලෙස ඉහළ ගොස් ඇති බවයි. එම ආයතනය පෙන්වා දෙන්නේ මෙය පසුගිය අගෝස්තු මාසයේදී වාර්තා වූ නව වාහන ලියාපදිංචි කිරීම් 45,569 හා සැසඳීමේදී සියයට 18.2ක කැපී පෙනෙන වර්ධනයකි.

ජූලි මාසයට සාපේක්ෂව අගෝස්තු මාසයේදී සියයට 13කින් පහත වැටී තිබූ දේශීය වාහන ලියාපදිංචිය, සැප්තැම්බර් මාසයේදී මෙලෙස යළිත් ඉහළ නැඟීම ක්ෂේත්‍රයේ සාධනීය පිබිදීමක් බවයි. එමෙන්ම සැප්තැම්බර් මාසයේ වාර්තා වූ නව ලියාපදිංචි කිරීම් අතරින් සිංහල කොටස හිමිව ඇත්තේ යතුරුපැදි සඳහාය.

ලිට්‍රෝ ගෑස් සමාගමෙන් විශේෂ නිවේදනයක් - ලිට්‍රෝ ගෑස් භාවිතා කරන්නට දැනුම්දීමක්

ඒ අනුව ලියාපදිංචි කර ඇති යතුරුපැදි සංඛ්‍යාව 38,719ක් වන අතර, එය ඊට පෙර මාසයට සාපේක්ෂව සියයට 15.2ක ඉහළ යාමකි. එමෙන්ම නවතම මෝටර් රථ සහ SUV රථ ලියාපදිංචියද සියයට 35.5කින් ඉහළ ගොස් ඒකක 2,337ක් ලෙස සටහන්ව තිබේ. මීට අලුත්ම මෝටර් රථ 751ක් සහ SUV රථ 1,586ක් ඇතුළත් වේ.

මීට අමතරව, සැප්තැම්බර් මාසය තුළ වාණිජ මෝටර් රථ 2,081ක් ලියාපදිංචි කර ඇති අතර, ඉන් රථ 1,281ක්ම නවතම වාහන ලෙස හඳුනාගෙන ඇත. විදේශ විනිමය අර්බුදය හමුවේ මෙරටට වාහන ආනයනය කිරීම තාවකාලිකව අත්හිටුවීමත් සමඟ පසුගිය වසර කිහිපය තුළ මෝටර් රථ වෙළෙඳපොළ දැඩි පසුබෑමකට ලක්ව තිබිණි.

මෙහෙම කළොත් රියදුරු බලපත්‍රය අත්හිටුවයි - ළඟම ඇති පොලිස් ස්ථානයට බලපත්‍රය භාරදෙන්න

කෙසේ වෙතත්, දේශීයව එකලස් කරනු ලබන වාහන සඳහා වෙළෙඳපොළ තුළ ඉල්ලුමක් නිර්මාණය වීම, බැංකු ණය පොලී අනුපාතික පහත වැටීම සහ සාර්ව ආර්ථික ස්ථාවරත්වය හමුවේ පාරිභෝගික විශ්වාසය යළි ගොඩනැඟීම මෙලෙස වාහන ලියාපදිංචිය යළි ඉහළ යාමට ප්‍රධාන වශයෙන් බලපා ඇති බව ආර්ථික විශ්ලේෂකයෝ පෙන්වා දෙති.