හෙට ප්‍රදේශ කිහිපයක රස්නය ඉහළට - ජනතාවට විශේෂ දැනුම්දීමක්

දිවයිනේ පළාත් කිහිපයක සහ දිස්ත්‍රික්ක දෙකක ඇතැම් ප්‍රදේශවල හෙට (19) දිවා කාලයේදී උණුසුම් කාලගුණ තත්ත්වයක් ඇති විය හැකි බව කාලගුණවිද්‍යා දෙපාර්තමේන්තුව අනතුරු අඟවයි.

එම දෙපාර්තමේන්තුවේ ස්වභාවික විපත් පිළිබඳ පූර්ව අනතුරු ඇඟවීමේ මධ්‍යස්ථානය අද (18) පස්වරු 4.00ට මේ සම්බන්ධයෙන් අවවාදාත්මක නිවේදනයක් නිකුත් කර තිබේ.

ඒ අනුව උතුර, උතුරු මැද, නැගෙනහිර සහ වයඹ පළාත්වලත්, මොනරාගල සහ හම්බන්තොට දිස්ත්‍රික්කවල ඇතැම් ප්‍රදේශවලත් දිවා කාලයේදී මිනිස් සිරුරට දැනෙන උණුසුම හෙවත් උණුසුම් දර්ශකය “අවධානය යොමු කළ යුතු” මට්ටමක පැවතිය හැකි බව එම නිවේදනයේ සඳහන් වේ.

මෙම තත්ත්වය සැලකිල්ලට ගනිමින් ප්‍රමාණවත් තරම් ජලය පානය කරන ලෙසත්, හැකි සෑම විටම සෘජු හිරු එළියට නිරාවරණය වීම අවම කරන ලෙසත් අදාළ ප්‍රදේශවල ජනතාවගෙන් බලධාරීහු ඉල්ලා සිටිති. එමෙන්ම උණුසුම් කාලගුණය හමුවේ සෞඛ්‍ය අංශ ලබාදෙන උපදෙස් පිළිපදින ලෙස ද ජනතාවට දැනුම් දී තිබේ.

මුහුද රළු වෙයි - ධීවර හා නාවික ප්‍රජාවට අනතුරු ඇඟවීමක්

පෑලියගොඩ මධ්‍යම මත්ස්‍ය වෙළෙඳ සංකීර්ණය ගැන අවාසනාවන්ත ආරංචියක්