රියදුරු බලපත්‍ර ගැන නරක ආරංචියක් - රියදුරු බලපත්‍ර මුද්‍රණය කිරීම නතර කරයි - මෝටර් රථ ප්‍රවාහන දෙපාර්තුමේන්තුවෙන් නිවේදනයක්

මුද්‍රණ යන්ත්‍ර සහ හිස් කාඩ්පත් (blank cards) හිඟයක් හේතුවෙන් රියදුරු බලපත්‍ර 673,000ක් මුද්‍රණය කිරීම නතර කර ඇති බව මෝටර් රථ ප්‍රවාහන කොමසාරිස් ජනරාල්, එයාර් වයිස් මාර්ෂල් තුෂාර ප්‍රනාන්දු මහතා පවසයි. ප්‍රවාහන, මහාමාර්ග සහ නගර සංවර්ධන අමාත්‍යාංශ උපදේශක කාරක සභාව අමතමින් ඔහු මේ බව සඳහන් කළේය.

දැනට පවතින කාඩ්පත් මිලියනයක තොගය ජනවාරි මාසය වන විට අවසන් වනු ඇතැයි අපේක්ෂා කරන බවත්, නව සැපයුම් ගිවිසුමක් යටතේ කාඩ්පත් මිලියන දෙකක පළමු තොගය ලබන වසරේ මාර්තු මස අවසානය වන විට ලැබීමට නියමිත බවත් ඔහු පැවසීය.

මේ කාන්තාව දැක්කොත් වහාම පොලිසියට කියන්න - මහජන බැංකු ATM යන්ත්‍රය හොරාකයි

මෙම හිඟයට විසඳුමක් ලෙස, ඉදිරි මාස දෙක තුළ අවශ්‍යතා සපුරාලීම සඳහා දැනට සිටින සැපයුම්කරුගෙන් තවත් කාඩ්පත් 500,000ක් ලබා ගැනීමට කැබිනට් අනුමැතිය ඉල්ලා සිටීමට ඔහු යෝජනා කළේය.

කොමසාරිස් ජනරාල්වරයාට අනුව, නිකුත් කිරීමට ඉතිරිව ඇති රියදුරු බලපත්‍ර තොගය ලබන වසරේ මැද භාගය වන විට නිකුත් කර අවසන් කිරීමට අපේක්ෂා කෙරේ. මේ අතර, වාහන අංක තහඩු හිඟයක් හේතුවෙන් අංක තහඩු 450,000ක් පමණ තවමත් නිකුත් කිරීමට ඉතිරිව පවතී.

ලිට්‍රෝ ගෑස් සමාගමෙන් විශේෂ නිවේදනයක් - ලිට්‍රෝ ගෑස් භාවිතා කරන්නට දැනුම්දීමක්