හිසට පහරදී පියා ඝාතනය කල මාර පුත්‍රයා..
Piyumika
ඉපලෝගම පොලිස් වසමේ, හිරිපිටියාගම ප්‍රදේශයේ දී පුත්‍රයෙකුගේ පහරදීමෙන් පියෙක් ඝාතනය වීමේ සිදුවීමක් වාර්තා වී තිබේ .
ඊයේ (30) සවස් කාලයේදී මෙම ඝාතනය සිදුකර ඇති අතර පොලිස් හදිසි ඇමතුම් ඒකකයට ලද පණිවුඩයක් මත විමර්ශන ආරම්භ කර තිබුණි . මරණකරු හිසේ ලේ ගලන තුවාල සහිතව නිවස ඉදිරිපිට බිම වැටී මියගොස් සිටි බවයි පොලීසිය පැවසුවේ.
මෙලෙස මිය ගොස් ඇත්තේ, 66 හැවිරිදි අලුත් පාර, හිරිපිටියාගම ප්‍රදේශයේ පදිංචිකරුවෙකි .
ඝාතනය සම්බන්ධයෙන් 34 හැවිරිදි මියගිය පුද්ගලයාගේ පුතා පොලීසිය විසින් සැකපිට අත්අඩංගුවට ගෙන තිබේ .
සැකකාර පුත්‍රයා විසින් ඝාතනයට ලක්වූ සිය පියාට නිතර පහරදීම් සිදුකර ඇති බවත්, ඝාතනය සිදුවන අවස්ථාවේ සැකකරු හා මරණකරු පමණක් නිවසේ සිට ඇති බවත් මරණකරුගේ බිරිඳ විසින් පොලීසියට පවසා තිබුණි .
ඝාතනය සම්බන්ධයෙන් වැඩිදුර පරීක්ෂණ ඉපලෝගම පොලීසිය විසින් සිදුකරනු ලබයි .
