යතුරුපැදි 03 කින් පැමිණ වැලිගම උණුසුම් කරමින් බිහිසුණු වෙඩි වරුසාවක්..තරුණයෙක් මරුට.
Aruna
වැලිගම - කප්පරතොට - වල්ලිවෙල මාර්ගයේ පාගමනින් ගමන්ක රමින් සිටි පුද්ගලයින් 5 දෙනෙකුට යතුරුපැදි 3 කින් පැමිණි නාදුනන පිරිසක් විසින් සිදු කළ වෙඩි තැබීමකින් එක් අයෙකු මියගොස් තිබෙන බව වාර්තා වනවා.
සිද්ධියෙන් තුවාල ලැබූ තවත් අයෙකු වලාන දිස්ත්‍රික් රෝහලට ඇතුළත් කිරීමෙන් පසුව වැඩිදුර ප්‍රතිකාර සදහා මාතර මහ රෝහලට මාරු කර යැවුණු බවයි පැවසෙන්නේ.
පොලිස් මාධ්‍ය කොට්ඨාසය සදහන් කළේ, වෙඩි තැබීමේ සිද්ධියෙන් අවුරුදු 26ක තරුණයෙකු මිය ගිය අතර, තුවාල ලබා ඇත්තේ අවුරුදු 29ක් වයසැති පුද්ගලයෙකු බවයි.
මොවුන් කප්පරතොට ප්‍රදේශයේ පදිංචිකරුවන් බවයි පැවසෙන්නේ.
මාතර බන්ධනාගාරයේදී ගසක අත්තක් කඩා වැටිමෙන් මිය ගිය රැදවියාගේ අවමංගල්‍යයට සහභාගී වී යළි නිවසට යමින් සිටියදී අද අලුයම මෙම වෙඩිතැබීම සිදුව තිබිම ද විශේෂත්වයක්.
සිද්ධියෙන් තුන්දෙනෙකු බේරි ඇති අතර වෙඩිතැබීමට හේතුව මෙතෙක් අනාවරණය වි නොමැත.
මේ අතර මිනුවන්ගොඩ - යකහටුව සමගි මාවත ප්‍රදේශයේ අතුරු මාර්ගයක තිබු තරුණයෙකුගේ මළ සිරුරක් හමු වී ඇති බව ද මිනුවන්ගොඩ පොලිසිය ප්‍රකාශ කර සිටිනවා.
අනාවරණය වී ඇති ආකාරයට,මෙම පුද්ගලයා මිනුවන්ගොඩ - දෙවලපොල - කනත්ත පාරේ පදිංචි අවුරුදු 23ක් වයසැති තරුණයෙකුගේ බවයි.
මියගිය පුද්ගලයා තදින් මත්ද්‍රව්‍ය සදහා අබ්බැහිවූවෙකු බවට ද පොලිස් විමර්ශන වලදී අනාවරණය වී ඇත.
You May Like This Video
