බොලිවුඩය හොල්ලපු SRK - දීපිකා සුපිරි යුවළ යළිත් එකට! ‘King’ චිත්‍රපටයේ දැවැන්ත ගීතයේ රූගත කිරීම්

බොලිවුඩ් සුපිරි නළු ෂාරුක් ඛාන් සහ ජනප්‍රිය නිළි දීපිකා පදුකෝන් රංගනයෙන් දායක වන ඔවුන්ගේ ඉදිරි චිත්‍රපටය වන ‘කිං’ (King) සඳහා ගීතයක රූගත කිරීම් මේ මස 26 වැනිදා මුම්බායිහිදී ආරම්භ කිරීමට නියමිත බව වාර්තා වේ. ‘

වෙරයිටි ඉන්ඩියා’ (Variety India) වාර්තාවකට අනුව, මෙම ගීත අංගයේ නර්තන අධ්‍යක්ෂණය ප්‍රවීණ නර්තන අධ්‍යක්ෂිකා වෛභවී මර්චන්ට් විසින් සිදු කිරීමට නියමිතය. කෙසේ වෙතත්, ගීතයේ නම, සංගීත අධ්‍යක්ෂවරයා හෝ එහි නර්තන ශෛලිය පිළිබඳ තොරතුරු මෙතෙක් නිල වශයෙන් අනාවරණය වී නොමැත.

ෂාරුක් ඛාන් සහ දීපිකා පදුකෝන් පළමු වරට එකට රංගනයෙන් දායක වූයේ 2007 වසරේ තිරගත වූ ෆරා ඛාන්ගේ ‘ඕම් ශාන්ති ඕම්’ (Om Shanti Om) චිත්‍රපටයෙනි. එය දීපිකා පදුකෝන් හින්දි සිනමාවට පිවිසි පළමු චිත්‍රපටය ද විය.

අනතුරුව 2013 වසරේදී රෝහිත් ෂෙට්ටි අධ්‍යක්ෂණය කළ ‘චෙන්නායි එක්ස්ප්‍රස්’ (Chennai Express) චිත්‍රපටය හරහා ඔවුන් නැවතත් එකට රංගනයෙන් දායක වූහ. 2014 වසරේදී ෆරා ඛාන්ගේ ‘හැපි නිව් ඉයර්’ (Happy New Year) චිත්‍රපටයෙන් ද ඔවුහු ප්‍රේක්ෂකයන් හමුවට පැමිණියහ.

එම චිත්‍රපටයට අභිෂේක් බච්චන්, බොමන් ඉරානි, සෝනු සූද්, විවාන් ෂා, ජැකී ෂ්‍රොෆ් සහ අනුපම් කේර් ඇතුළු නළු නිළියෝ රංගනයෙන් දායක වූහ. 2023 වසරේදී සිද්ධාර්ත් ආනන්ද් අධ්‍යක්ෂණය කළ ‘පතාන්’ (Pathaan) චිත්‍රපටය හරහා ෂාරුක් සහ දීපිකා යළිත් එකට එක් වූහ.

එහිදී දීපිකා ‘රුබිනා මොහ්සින්’ නම් රහස් නියෝජිතවරියගේ චරිතය නිරූපණය කළ අතර, ඇය ෂාරුක් ඛාන්ගේ චරිතය සමඟ එක්ව මෙහෙයුම්වල නිරත වන අයුරු දැකගත හැකි විය.

එම වසරේම තිරගත වූ ඇට්ලී අධ්‍යක්ෂණය කළ ‘ජවාන්’ (Jawan) චිත්‍රපටයේ ද දීපිකා විශේෂ රංගන දායකත්වයක් ලබා දුන්නාය. එහිදී ඇය ‘අයිශ්වර්යා රාතෝර්’ නම් චරිතය නිරූපණය කළාය.

මේ අනුව, ‘කිං’ චිත්‍රපටය හරහා ෂාරුක් ඛාන් සහ දීපිකා පදුකෝන් යළිත් එකට දැකගැනීමට ලැබීම ඔවුන්ගේ රසිකයන්ගේ අවධානය දිනාගනු ඇතැයි අපේක්ෂා කෙරේ.

මට හරිම කනගාටුවක් ලොකු කළකිරීමක් තියෙනවා.. හැමෝම මාව දාලා ගියා.. මම හිඟන්නෙක් නෙවෙයි - බුකිය කළඹපු චන්දිමාල්ට කළකිරෙයි