සජීත්ගෙන් තීරණාත්මක ප්‍රකාශයක් - 2027න් පසුවත් IMF වැඩසටහනෙන් ඉවත් විය නොහැකියි බව කියයි

වත්මන් ජාත්‍යන්තර මූල්‍ය අරමුදලේ (IMF) විස්තීරණ ණය පහසුකම අවසන් වීමෙන් පසු 2027 වසරේ සිට රටට ජනහිතකාමී අනුප්‍රාප්තික IMF ගිවිසුමක් අවශ්‍ය බව විපක්ෂ නායක සජිත් ප්‍රේමදාස මහතා පවසයි.

2027 වසරේදී වත්මන් IMF වැඩසටහනෙන් ඉවත් වන බවට අමාත්‍ය බිමල් රත්නායක මහතා සිදුකර ඇති ප්‍රකාශය සම්බන්ධයෙන් අදහස් දක්වමින් විපක්ෂ නායකවරයා මේ බව සඳහන් කර තිබේ.

වත්මන් IMF වැඩසටහන 2027 මාර්තු මාසයේදී අවසන් වීමට නියමිත බව වාර්තා වේ. විශේෂ ප්‍රකාශයක් සිදුකරමින් සජිත් ප්‍රේමදාස මහතා පවසා ඇත්තේ, වත්මන් මූල්‍ය ස්ථාවරත්වය ඇතිකර ගැනීමේදී ලක්ෂ සංඛ්‍යාත ජනතාව මත අධික ජීවන බරක් සහ පීඩනයක් පැටවී ඇති බවයි.

2027 මාර්තු වන විට රටේ ආර්ථික පුනර්ජීවන වැඩසටහන සම්පූර්ණ නොවන බැවින්, ජාත්‍යන්තර විශ්වාසනීයත්වය, ණය තිරසරභාවය සහ විදේශ සංචිත ශක්තිමත්ව පවත්වා ගැනීම සඳහා පැහැදිලි ආර්ථික රාමුවක් අවශ්‍ය බවද ඔහු සඳහන් කර තිබේ.

නල්ලූර්හි තිලීපන්ගේ පිළිරුව පොලිසියෙන් ඉවත් කරයි

මේ අතර, IMF හි නවතම ප්‍රක්ෂේපණ අනුව ශ්‍රී ලංකාවේ මහජන ණය 2026දී දළ දේශීය නිෂ්පාදිතයෙන් 100.1%ක් සහ 2027දී 96.9%ක් ලෙස පවතිනු ඇතැයි අපේක්ෂා කෙරේ.

වත්මන් රජයද පසුගිය රජය යටතේ ක්‍රියාත්මක වූ IMF කොන්දේසි සහ බැඳුම්කර එකඟතා ඉදිරියට ගෙන යන බවටද විපක්ෂ නායකවරයා චෝදනා කර තිබේ. එබැවින් පවතින ගිවිසුම හරහා ජනතාව මත ඇති වී ඇති පීඩනය අවම කරමින්, දුප්පත්කම තුරන් කිරීම, අපනයන ප්‍රවර්ධනය සහ ජනතාවට සහන සැලසීම අරමුණු කරගත් නව ජනහිතකාමී අනුප්‍රාප්තික ගිවිසුමකට යොමු වන ලෙස විපක්ෂ නායකවරයා රජයෙන් ඉල්ලා සිටියේය.

කෙසේ වෙතත්, IMF හි සැප්තැම්බර් 23 වැනිදා නිකුත් කළ නවතම ප්‍රකාශයේ දැක්වෙන්නේ ශ්‍රී ලංකාව සඳහා වත්මන් EFF වැඩසටහනේ හත්වැනි සමාලෝචනය සම්බන්ධයෙන් සාකච්ඡා තවදුරටත් සිදුවෙමින් පවතින බවයි.

එම වැඩසටහනෙන් පසුව ආර්ථික ස්ථාවරත්වය පවත්වා ගැනීම සඳහා ප්‍රතිසංස්කරණ අඛණ්ඩව ක්‍රියාත්මක කිරීමේ වැදගත්කමද IMF අවධාරණය කර තිබේ.

[XEPHWJE