රෝස සාරියෙන් හැඩවුණු සායි පල්ලවීගේ චාම් සුන්දරත්වය - රාමායණ උත්සවයේදී කාගේත් නෙත් ඇදගනී [VIDEO]

ඉන්දියාවේ ජනප්‍රිය නිළි සයි පල්ලවී, ‘රාමායණ’ චිත්‍රපටයේ ජාත්‍යන්තර ට්‍රේලරය එළිදැක්වීමේ උත්සවයට රෝස පැහැති සේද සාරියකින් සැරසී එක්ව තිබේ. බැංගලෝරයේදී පැවති මෙම උත්සවයේදී ඇයගේ සරල හා සාම්ප්‍රදායික ඇඳුම් විලාසය බොහෝ දෙනාගේ අවධානය දිනාගෙන ඇත.

‘රාමායණ’ චිත්‍රපටයේ සීතාගේ චරිතයට පණ පොවන සායි පල්ලවී, මෙම අවස්ථාව සඳහා විශේෂයෙන් නිර්මාණය කළ රෝස පැහැති සේද සාරියක් තෝරාගෙන තිබිණි. එහි රිදී පැහැති සර්දෝසි එම්බ්‍රොයිඩරි මෝස්තර ඇතුළත් වූ අතර, සාරියේ වාටියේ ඇති සියුම් කැටයම් එහි අලංකාරය තවත් ඉහළ නංවා තිබිණි.

සාරියේ පුරා රිදී පැහැති වටකුරු මෝස්තර සහිතව නිර්මාණය කර තිබූ අතර, ඒ හා ගැළපෙන අත් වැලමිට දක්වා දිගු වූ හැට්ටයක් ද ඇය ඇඳ සිටියාය.

ඉන්දියානු සාම්ප්‍රදායික ඇඳුම් නිර්මාණ කලාවේ සියුම් බව එම ඇඳුමෙන් මනාව කැපී පෙනුණි. ඇය සිය රැලි සහිත හිසකෙස් මැදින් බෙදා, ඉදිරිපස කොටස් පිටුපසට කර සකස් කර තිබිණි.

''විජේව විවාහයට කැමති කරගන්න රශ්මිකා වසරක්ම උත්සාහ කරලා'' - දෙන්නාගේ රහසක් එළියට

කුඩා කරාබු, මුදු කිහිපයක් සහ වළලු ඇගේ ඇඳුම් විලාසයට එක්ව තිබූ අතර, අවම වේශ නිරූපණයක් සහ නළලේ තිලකයක් ඇගේ සාම්ප්‍රදායික පෙනුම සම්පූර්ණ කළේය.

ඔක්තෝබර් 15 වැනිදා පැවති මෙම ජාත්‍යන්තර ට්‍රේලරය එළිදැක්වීමේ අවස්ථාවට රන්බීර් කපූර්, යෂ්, රවි ඩුබේ, රකුල් ප්‍රීත් සිං, අධ්‍යක්ෂ නිතිෂ් තිවාරි සහ සංගීත අධ්‍යක්ෂ ඒ.ආර්. රහ්මාන් ඇතුළු පිරිසක් එක්ව සිටියහ.

උත්සවයේදී වේදිකාවට පැමිණි සයි පල්ලවී මුලින් කන්නඩ භාෂාවෙන් රසිකයන්ට ආචාර කළාය. පසුව ඉංග්‍රීසි භාෂාවෙන් අදහස් දක්වමින්, තවත් වාක්‍ය කිහිපයක් පවසන්නට පෙර සූදානම් වී සිටියද, උච්චාරණයේදී වැරදි සිදුවේ යැයි සිතූ නිසා තරමක චකිතයක් දැනුණු බව ඇය සඳහන් කළාය.

චිත්‍රපටයට ලැබෙන ආදරය හා ප්‍රතිචාර පිළිබඳව ස්තුතිය පළ කළ ඇය, ‘රාමායණ’ යනු තවත් එක් චිත්‍රපටයක් පමණක් නොව තමන් සියලු දෙනාටම පැවරුණු වගකීමක් බව ද පැවසුවාය.

සීතා මාතාවගේ චරිතය නිරූපණය කිරීමට ලැබීම තමන්ට මහත් භාග්‍යයක් බවත්, චිත්‍රපටයේ කටයුතු අතරතුර එම චරිතයේ ගුණාංග කිහිපයක් තමන් තුළට එක් කර ගැනීමට හැකි වූ බවත් ඇය වැඩිදුරටත් සඳහන් කළාය.

දියණියන් දෙදෙනා සමඟ දීපිකාගේ හුරතල් මොහොත රසිකයන්ගේ අවධානයට

Finally our sita maa @Sai_Pallavi92 joins the event of #ramayana with so much grace and just look at her 😭❤️ The wait is so worth it 🥹💗 #sitamaa #saipallavi #ramayana https://t.co/vKMWcxaiSn

— saipallavi.fp (@Saipallavi__) October 15, 2026