ශ්‍රී ලංකාවට ජාත්‍යන්තරයෙන් සුභ අරංචියක් - S&P ආයතනය ණය ශ්‍රේණිගත කිරීම තහවුරු කරයි

ජාත්‍යන්තර ණය ශ්‍රේණිගත කිරීමේ ආයතනයක් වන S&P Global Ratings ශ්‍රී ලංකාවේ ස්වෛරී ණය ශ්‍රේණිගත කිරීම් ‘CCC+/C’ මට්ටමේ තහවුරු කර තිබේ. දිගුකාලීන විදේශ හා දේශීය මුදල් ණය ශ්‍රේණිගත කිරීම් සඳහා ඉදිරි දැක්ම ස්ථාවර (Stable) ලෙස පවත්වා ඇත.

S&P විසින් ශ්‍රී ලංකාවේ මුදල් හුවමාරු සහ පරිවර්තන හැකියාව පිළිබඳ තක්සේරුව ‘CCC+’ සිට ‘B-’ දක්වා සංශෝධනය කර ඇත. ආදායම් එකතු කිරීමේ වර්ධනය සහ ආර්ථික ක්‍රියාකාරකම් යථා තත්ත්වයට පත්වීම රජයේ මූල්‍ය තත්ත්වය යථා තත්ත්වයට පත් කිරීමට උපකාර වී ඇති බව S&P සඳහන් කරයි.

ශ්‍රී ලංකාවටම සුබ ආරංචියක් ආයෝජක විශ්වාසය දිනාගනිමින් IIF වාර්තාවෙන් සැලකිය යුතු ප්‍රගතියක් වාර්තා වෙයි

කෙසේ වෙතත්, මැද පෙරදිග යුද්ධයේ බලපෑම්, ආනයන වියදම් ඉහළ යාම, විදේශ විනිමය සංචිත සහ සංචාරක හා විදේශ ප්‍රේෂණ ආදායම් සම්බන්ධ අවදානම් තවදුරටත් පවතින බව එම ආයතනය පෙන්වා දෙයි.

S&P අනුව, ශ්‍රී ලංකාවේ ආර්ථිකය බාහිර අර්බුද කිහිපයකට මුහුණ දී තිබියදීත් ප්‍රතිරෝධී බවක් පෙන්වා ඇත.

2025 වසරේ රජයේ ආදායම දළ දේශීය නිෂ්පාදිතයෙන් 16.7%ක් දක්වා ඉහළ ගොස් ඇති අතර, ආදායම් වර්ධනය 34%ක් ලෙස වාර්තා වී ඇත.

2026 වසරේදී ශ්‍රී ලංකා ආර්ථික වර්ධනය 3.8%ක් පමණ දක්වා මන්දගාමී විය හැකි බවත්, 2027දී එය 4.2%ක් දක්වා නැවත ඉහළ යා හැකි බවත් S&P පුරෝකථනය කරයි.

S&P සඳහන් කරන්නේ ශ්‍රී ලංකාවේ ණය තත්ත්වය තවමත් අවදානම් සහිත නමුත් ආසන්න කාලීන ණය ගෙවීම් අර්බුදයකට මුහුණ දෙන තත්ත්වයක් නොමැති බවයි.

දුන්හිඳ දියඇල්ල නැරඹීමට පැමිණෙන ජනතාවට නව නැරඹුම් මධ්‍යස්ථානයක් ඉදිකිරීමේ කටයුතු ආරම්භ වෙයි