රුසියාවෙන් යුක්රේනයේ නගර කිහිපයකට මිසයිල ප්‍රහාරයක්..

රුසියාව විසින් එල්ල කරන ලද මිසයිල ප්‍රහාරවලින් කියෙව් අගනුවර ඇතුළු යුක්‍රේන නගර කිහිපයකටම හානි සිදු වී තිබෙනවා.

ප්‍රහාරයෙන් ඩිනිප්‍රෝ නගරයේ කාන්තාවකට සහ දරුවන් තිදෙනෙකුට ජිවිත අහිමි වී ඇති බව විදෙස් මාධ්‍ය වාර්තා කළේ.

නව මහල් නිවාසයකට හානි සිදුවී ඇති අතර මිසයිල 11ක් සහ ප්‍රහාරක ඩ්‍රෝන යානා දෙකක් යුක්‍රේන ගුවන් ආරක්ෂක පද්ධතිය විසින් බිම හෙළා ඇත.

කෙසේවෙතත්, දින 51කින් පසුව අගනුවරට එල්ල වූ පළමු රුසියානු මිසයිල ප්‍රහාරය මෙය බව Kyiv නගරයේ හමුදා පරිපාලනයේ ප්‍රධානියා සඳහන් කර ඇත.

සිවිල් වැසියන්ගේ ජීවිත හානි පිළිබඳ මෙතෙක් වාර්තා වී නොමැති අතර ප්‍රහාරය නිසා පුද්ගලයින් පස් දෙනෙකු තුවාල ලබා රෝහල් ගත කර ඇත.