මෙසී 2016දී සමුගැනීමට සැරසුණු අවස්ථාවේ රොනාල්ඩෝ කියූ දේ යළිත් ලොව පුරා පැතිරෙයි

ලයනල් මෙසී යළිත් වරක් ආර්ජන්ටිනා ජාතික කණ්ඩායමෙන් සමුගැනීමට තීරණය කර තිබුණද, ඔහු මීට පෙරද ජාත්‍යන්තර පාපන්දු පිටියෙන් සමුගන්නා බවට ප්‍රකාශ කර තිබුණි.

මෙසී පළමු වරට එවැනි ප්‍රකාශයක් සිදු කළේ 2016 වසරේ කෝපා ඇමරිකා අවසන් මහා තරගයේදී චිලී කණ්ඩායම හමුවේ ආර්ජන්ටිනාව පරාජයට පත්වීමෙන් අනතුරුවය.

එම තරගයේදී මෙසීට දඬුවම් පහරක් සාර්ථක කර ගැනීමට නොහැකි වූ අතර, අවසන් මහා තරගයකදී නැවතත් පරාජයට පත්වීමෙන් දැඩි කනස්සල්ලට පත්වූ ඔහු වයස අවුරුදු 29දී ජාත්‍යන්තර පාපන්දු පිටියෙන් සමුගන්නා බව නිවේදනය කළේය.

එම තීරණය සම්බන්ධයෙන් ඔහුගේ ප්‍රධානතම පාපන්දු ප්‍රතිවාදියා ලෙස සැලකෙන ක්‍රිස්ටියානෝ රොනාල්ඩෝද එවකට අදහස් පළ කර තිබුණි. “මෙසී දැඩි තීරණයක් ගෙන තිබෙනවා. ජනතාව ඔහුගේ තීරණය තේරුම් ගත යුතුයි,” යනුවෙන් රොනාල්ඩෝ එවකට Mundo Deportivo වෙත පවසා තිබුණි. “ඔහු පරාජයන්ට සහ බලාපොරොත්තු කඩවීම්වලට හුරු වී නැහැ. දෙවැනි ස්ථානය පවා ඔහුට පහසු දෙයක් නොවේ.

දඬුවම් පහරක් මඟහැරීමෙන් කෙනෙකු නරක ක්‍රීඩකයෙකු බවට පත්වන්නේ නැහැ,” යනුවෙන්ද රොනාල්ඩෝ සඳහන් කර තිබුණි. එම අවස්ථාවේදී මෙසී පිළිබඳ අනුකම්පාව පළ කළ රොනාල්ඩෝ, ඔහු යළිත් ආර්ජන්ටිනා කණ්ඩායම නියෝජනය කරනු දැකීමට තමන් කැමති බවද ප්‍රකාශ කළේය. “මෙසී කඳුළු සලමින් සිටිනු දැකීම වේදනාකාරීයි. ඔහු යළිත් තම රට වෙනුවෙන් ක්‍රීඩා කරනු ඇතැයි මම බලාපොරොත්තු වෙනවා. ඔහුගේ රටට ඔහු අවශ්‍යයි,” යනුවෙන් රොනාල්ඩෝ එදා පවසා තිබුණි.

ලොවම හඬවමින් පාපන්දු ක්‍රීඩාවෙන් පිස්සු වැට්ටු ලයනල් මෙසී පාපන්දු ක්‍රීඩාවෙන් විශ්‍රාම ගැනීම නිල වශයෙන් නිවේදනය කරයි

රොනාල්ඩෝ එම ප්‍රකාශය සිදු කරන අවස්ථාවේදී මෙසී අනාගතයේදී ලෝක කුසලානයක් ජයග්‍රහණය කරනු ඇතැයි කිසිවෙකුටත් නිශ්චිතව පැවසිය නොහැකි විය. එහෙත් මෙසී පසුව ජාත්‍යන්තර පාපන්දු පිටියට නැවත පැමිණ 2021 සහ 2024 කෝපා ඇමරිකා ශූරතා මෙන්ම 2022 FIFA ලෝක කුසලාන ශූරතාවද ආර්ජන්ටිනාව වෙනුවෙන් දිනා ගැනීමට සමත් විය.

කෙසේ වෙතත්, මෙවර මෙසී යළිත් ජාත්‍යන්තර පාපන්දු පිටියට පැමිණීමේ ඉඩකඩ අඩු බව පෙනී යන අතර, රොනාල්ඩෝගේ ජාත්‍යන්තර අනාගතය පිළිබඳවද තවමත් නිල තීරණයක් ප්‍රකාශයට පත්ව නොමැත.

ක්‍රිස්ටියානෝ රොනාල්ඩෝ පාපන්දු ක්‍රීඩාවෙන් විශ්‍රාම ගැනීමට සූදානම් - පාපන්දුලෝලීන්ට කණගාටුදායක පුවතක්