කන්න ගත්ත බිත්තර රොටියේ යකඩ කෑල්ලක් - ජනප්‍රිය අවන්හලේ දරුණු ප්‍රශ්ණයක් [PHOTO]

ජනප්‍රිය අවන්හලකින් තම කුඩා දරුවා වෙනුවෙන් මිලදී ගත් බිත්තර රොටියක් තුළ තිබී යකඩ කැබැල්ලක් හමුවූ බව කාන්තාවක් විසින් වාර්තා කර තිබේ.

මෙම සිදුවීම ඊයේ (27) මන්නාරම, පල්ලිමුනෙයි ප්‍රධාන මාර්ගයේ පිහිටි ප්‍රසිද්ධ අවන්හලකදී සිදුවී ඇති බව පැවසේ. ප්‍රදේශයේ පදිංචිකාරියක වන එම කාන්තාව පවසා ඇත්තේ, තම දරුවා වෙනුවෙන් එම බිත්තර රොටිය මිලදී ගත් බවත්, දරුවා එය ආහාරයට ගනිමින් සිටියදී එම යකඩ කැබැල්ල හමුවූ බවත්ය.

ශ්‍රී ලංකාවේ ඉන්ධන මිල සංශෝධනයක් - දැනට තියෙන ඉන්ධන මිල අඩුම මිලටත් වඩා අඩුවෙන් තියෙන්නේ - රජයට විශේෂ ඉල්ලීමක්

ඇය වහාම අදාළ සෞඛ්‍ය බලධාරීන්ට මේ පිළිබඳව දැනුම් දුන් බව වාර්තා වේ. කෙසේ වෙතත්, සෞඛ්‍ය වෛද්‍ය නිලධාරී (MOH) කාර්යාලය, නගර සභාව හෝ මහජන සෞඛ්‍ය පරීක්ෂකවරයා විසින් මේ දක්වා කිසිදු පියවරක් ගෙන නොමැති බවට ඇය චෝදනා කරයි.

දරුවෙකුට ලබා දීමට ගත් ආහාරයක තිබී මෙවැනි බාහිර ද්‍රව්‍යයක් හමුවීම සම්බන්ධයෙන් නිසි විමර්ශනයක් සිදු කරන ලෙසත්, අවන්හල්වලදී මහජනතාවට ලැබෙන ආහාරවල ආරක්ෂාව පිළිබඳව සහතිකයක් ලබා දෙන ලෙසත් මහජනතාව ඉල්ලා සිටී.

සුපිරි ක්‍රිකට් ක්‍රීඩක චාමික කරුණාරත්නට වරෙන්තු - වහාම අත්අඩංගුවට ගන්නැයි නියෝග