පිරිමින්ට අවු.09ක දැරියන් පවා අඹුකමට ගන්න අවස්ථාව.. එතකොට දික්කසාදය.. වෙලා තියෙන දෙය මෙන්න..
krishani
ඉරාකයේ විවාහ නීති සංශෝධනය කිරීමට යෝජනා වී ඇති බවට තොරතුරු වාර්තා වේ.
මෙම නව විවාහ නීති සංශෝධනයත් සමඟ ඉරාකයේ පිරිමින්ට වයස අවුරුදු 9ක ගැහැණු ළමයින් පවා විවාහ කර ගැනීමට ඉඩ සලසන බව සඳහන් වේ.
එයට අමතරව කාන්තාවන්ට දික්කසාද වීමේ අයිතිය, ළමා භාරකාරත්වය සහ උරුමය අහිමි කිරීම සඳහා ද සංශෝධනයන් යෝජනා කර ඇත.
මානව හිමිකම් ක්‍රියාකාරීන් සඳහන් කළේ මෙම සංශෝධනය මගින් එරට කාන්තා අයිතීන් ආපසු හැරවීමටත්, රටේ බාල වයස්කාර විවාහ වැඩි කිරීමටත් හැකිවනු ඇති බවයි.
එමෙන්ම, පවුල් කටයුතු සම්බන්ධයෙන් තීරණය කිරීම සඳහා ආගමික බලධාරීන් හෝ සිවිල් අධිකරණය තෝරා ගැනීමට ද මෙම පනත් සංශෝධන මඟින් පුරවැසියන්ට ඉඩ සලසයි.
මේ අතර ඉරාක සභාග රජය පැවසුවේ යෝජිත සංශෝධනය ඉස්ලාමීය ෂරියා නීතියේ දැඩි අර්ථකථනයට අනුකූල වන බවයි.
එමෙන්ම, තරුණ ගැහැණු ළමයින් ආරක්ෂා කිරීම අරමුණු කර ගෙන මෙය ගෙන එන බවයි.
තවද, ඉහළ ළමා විවාහ අනුපාතය දැනටමත් ඉරාකය පුරා පැතිර පවතින අතර ඉරාක ගැහැණු ළමයින්ගෙන් 28% ක් පමණ වයස අවුරුදු 18 වන විට විවාහ වී ඇත.
කෙසේ වෙතත්, මෙම යෝජිත සංශෝධන මගින් තත්ත්වය වඩාත් නරක අතට හැරෙනු ඇති බව යුනිසෙෆ් සංවිධානය අපේක්ෂා කරයි.
