"මම දැන් පත්තර බලන්නෙත් නෑ, ෆේස්බුක් යන්නෙත් නෑ" - මෛත්‍රීගෙන් දේශපාලනය ගැන අපූර්ව හෙළිදරව්වක්

මෛත්‍රිපාල සිරිසේන මහතා පවසන්නේ, ශ්‍රී ලංකා නිදහස් පක්ෂය එකතු කිරීමට උත්සාහ කිරීමකට වඩා බණ දහම් අසා පොතපත කියවමින් නිහතමානීව ජීවත්වීම වඩාත් සුදුසු බවයි.

ඔහු සඳහන් කළේ, වසර 4ක් පුරා ශ්‍රී ලංකා නිදහස් පක්ෂය අධිකරණ ක්‍රියාමාර්ගවලට ලක්ව තිබෙන අතර, එයට සම්බන්ධ කිසිදු පාර්ශවයකට තම සහාය ලබා නොදෙන බවයි.

මහනුවරදී මාධ්‍ය හමුවකට එක්වෙමින් (20) අදහස් දැක්වූ හිටපු ජනාධිපතිවරයා, දේශපාලනය “වලාකුළක්” මෙන් නිතරම වෙනස් වන බවත්, එහි වෙනස්කම් පුරෝකථනය කළ නොහැකි බවත් පැහැදිලි කළේය.

විගණකාධිපති වාර්තාව වැරදියිද? - ඇමති වසන්ත කියපු කතාව මෙන්න

තවද, සියලු ආණ්ඩු කාලවලම අක්‍රමිකතා චෝදනා මතු වූ බවත්, ඒවා සම්බන්ධයෙන් සත්‍යය හෙළි කර ගැනීමට නිසි පරීක්ෂණ පැවැත්විය යුතු බවත් ඔහු කියා සිටියේය. 

තවදුරටත් අදහස් දැක්වූ හිටපු ජනපති මෛත්‍රිපාල සිරිසේන මහතා,

“දේශ­පා­ල­නය කියන්නේ හරි­යට වලා­කු­ළක් වගේ දෙයක්. උඩ බලා­ගෙන ඉන්න­කොට වළා­කුළු වෙනස් වෙනවා වගේ තමයි දේශ­පා­ල­නය වෙනස් වෙන්නේ. කොයි වෙලාවේ වහි­න­වද කොයි වෙලාවේ පාය­න­වාද කියලා කියන්න බැහැ වගේ තමයි දේශ­පා­ල­නයේ සිදු­වන වෙන­ස්කම්. කොයි මොහොතේ වෙයිද කියලා අපිට කියන්න බැහැ.

මගේ කාලේ රටේ ජනතාව කාලා බීලා කන්නෝයෙන් හිටියා - හිටපු ජනපති සිරිසේන

මම දන්න විදි­හට හැම ආණ්ඩු­ව­ලම හොර­කම් කරන අය හිටියා. මේ ආණ්ඩුවේ අය­ටත් චෝදනා එල්ල වෙනවා. ඒවායේ ඇත්ත නැත්ත මම දන්නේ නැහැ. පරී­ක්ෂණ පව­ත්වලා තමයි හොයා ගන්න ඕන. ගල්අ­ඟුරු සිද්ධිය සම්බ­න්ධ­යෙන් ඇම­ති­ව­රයා තන­තු­රින් ඉල්ලා අස්වුණා. පරී­ක්ෂ­ණ­යට ඉඩ­දීලා ඉල්ලා අස්වුණා කියලා තමයි දැන ගන්න තියෙන්නේ. මගේ කාලයේ මහ­බැංකු වංචාව සිද්ධ වුණා. ඒක හොයන්න පරී­ක්ෂණ මණ්ඩ­ල­යක් නෙවෙයි ජනා­ධි­පති කොමි­ෂන් සභා­වක් මම පත් කළා. මගේ නිල කාලයේ දී ඒ පරී­ක්ෂණ හොඳට කෙරී­ගෙන ගියා.

ඒක කරලාම මැරියං! ආයේ බලය ගැන හිතන්න එපා - උවිඳුගෙන් ජනපතිට දැඩි අභියෝගයක්

මම ගියාට පස්සේ ඒකට වෙච්ච දෙයක් නැහැ. මට දැන් කිසිම තන­තු­රක් නැහැ. ඒ නිසා පසු­වි­ප­රම් කරන්න යන්නේ නැහැ. විප­ක්ෂයේ අය තමයි මේවා ගැන සොයා බලන්න ඕන. රටක විප­ක්ෂය සාධා­රණ ලෙස ක්‍රියා­ශීලි විය යුතුයි. ප්‍රජා­ත­න්ත්‍ර­වාදී රටක ඒක වග­කී­මක් හා යුතු­ක­මක්. මම විද්‍යුත් මාධ්‍ය බලන්නේ නැහැ. පත්තර කිය­වන්නේ නැහැ. සමාජ මාධ්‍ය, වෙබ් අඩවි බල­න්නෙත් නැහැ. පොතක් පතක් බලා­ගෙන උදේ හවස පන්සිල් අර­ගෙන ජීවත් වෙනවා.."