''විජේව විවාහයට කැමති කරගන්න රශ්මිකා වසරක්ම උත්සාහ කරලා'' - දෙන්නාගේ රහසක් එළියට

දකුණු ඉන්දීය සිනමා තරු යුවළක් වන රශ්මිකා මන්දනා සහ විජේ දේවරකොණ්ඩාගේ විවාහය සම්බන්ධයෙන් මෙතෙක් හෙළි නොවූ අපූරු තොරතුරක් රශ්මිකා විසින් අනාවරණය කර තිබේ. ඒ, විජේට විවාහ යෝජනාවක් ඉදිරිපත් කරන ලෙස වසරක පමණ කාලයක් තිස්සේ තමන් ඉල්ලා සිටි බවයි.

මෙම තොරතුර අනාවරණය වී ඇත්තේ ජනප්‍රිය රූපවාහිනී වැඩසටහනක් වන Koffee With Karan 9 හි නවතම වැඩසටහනට අදාළ පූර්ව ප්‍රචාරක වීඩියෝවක් හරහාය. එම වැඩසටහනට විජේ සහ රශ්මිකා දෙදෙනාම සහභාගී වන අතර, එහිදී ඔවුන්ගේ ආදර සම්බන්ධය, විවාහය සහ වෘත්තීය ජීවිතය පිළිබඳව සාකච්ඡා කර තිබේ.

වැඩසටහන මෙහෙයවන කරන් ජොහාර්, විජේ විසින් රශ්මිකාට විවාහ යෝජනාවක් ඉදිරිපත් කළේදැයි විමසන අවස්ථාවේදී රශ්මිකා ඊට හිස සලා පිළිතුරු දී තිබේ.

''ක්‍රිකට් සහ සංගීත ලෝකය යා කරන පෙමක්?'' - කාව්‍යා මාරන් සහ අනිරුද් රවිචන්දර්ගේ මංගල උත්සවය ගැන කතාබහක්

එහිදී විජේ පවසන්නේ විවාහය පිළිබඳ යෝජනාව මුලින්ම ඉදිරිපත් කළේ රශ්මිකා බවයි.

එමෙන්ම ඇය අවස්ථා සියයක පමණදී තමන්ගෙන් විවාහය ගැන විමසා සිටි බවද ඔහු විහිළුවට මෙන් පවසා තිබේ.

ඒ පිළිබඳව කරන් ජොහාර් රශ්මිකාගෙන් නැවත විමසූ විට ඇය පවසා ඇත්තේ, තමන් වසරක් පුරා විජේගෙන් ඒ ගැන ඉල්ලා සිටි බවයි.

මෙම පිළිතුරෙන් කරන් ජොහාර් පුදුමයට පත්ව ඇති අතර, විජේද එම සංවාදයට හාස්‍යජනක ලෙස ප්‍රතිචාර දක්වා තිබේ.

වයස 75ක් වුණත් තවමත් තරුණ පෙනුමක් - රජිනිකාන්ත්ගේ රහස හෙළිකරයි

විවාහ ජීවිතයේ පළමු නීතියත් විජේ කියයි

විවාහය පිළිබඳ සංවාදයට අමතරව, වැඩසටහනේදී දෙදෙනා අතර ඇති සැහැල්ලු හා විනෝදජනක කතාබහක් ද දැකගත හැකිය.

එහිදී විජේගෙන් විමසා ඇත්තේ රශ්මිකාට අමතරව තිරයේදී හොඳ රසායනයක් ඇති බව හැඟෙන නිළියක කවුරුන්ද යන්නයි.

ඊට රශ්මිකා මැදිහත් වෙමින් කිසිවෙකු නොමැති බව පවසා ඇති අතර, විජේද එම පිළිතුරට එකඟ වී තිබේ.

අනතුරුව විජේ විවාහ ජීවිතයේ පළමු නීතිය ලෙස සඳහන් කර ඇත්තේ, “බිරිඳ සමඟ එකඟ වන්න” යන්නයි.

ඉන්දියානු කලා ලෝකය ජාත්‍යන්තරයට ගෙන ගිය 'Nature Morte' හිමිකරු පීටර් නාගි අභාවප්‍රාප්ත වෙයි

2018දී ඇරඹුණු තිරයේ ආදරය

විජේ දේවරකොණ්ඩා සහ රශ්මිකා මන්දනා මුලින්ම එකට රඟපෑවේ 2018 වසරේ තිරගත වූ Geetha Govindam තෙළිඟු ආදර චිත්‍රපටයෙනි.

ඉන් අනතුරුව 2019 වසරේ Dear Comrade චිත්‍රපටයෙන් ද ඔවුන් එකට දැකගත හැකි විය. එම චිත්‍රපටවල ඔවුන් අතර පැවති තිරයේ රසායනය හේතුවෙන් දෙදෙනාගේ සැබෑ ජීවිතයේ සම්බන්ධය පිළිබඳව ද දිගු කලක් කතාබහට ලක්ව තිබුණි.

පෞද්ගලික ජීවිතය පිළිබඳ වැඩි තොරතුරු ප්‍රසිද්ධ නොකළ මෙම යුවළ 2026 පෙබරවාරි මාසයේදී විවාහ වූ බව NDTV වාර්තාවේ සඳහන් වේ. ඔවුන්ගේ විවාහ උත්සවවලදී තෙළිඟු සහ කෝඩවා සම්ප්‍රදායන්ට ද මුල්තැන ලබාදී තිබේ.

මේ අතර, විජේ සහ රශ්මිකා නැවතත් Ranabaali චිත්‍රපටයෙන් එකට රංගනයෙන් එක්ව සිටිති. රාහුල් සංක්‍රිත්‍යාන් අධ්‍යක්ෂණය කළ එම චිත්‍රපටය ඔක්තෝබර් 16 වැනිදා තිරගත කිරීම ආරම්භ කර තිබේ.

දියණියන් දෙදෙනා සමඟ දීපිකාගේ හුරතල් මොහොත රසිකයන්ගේ අවධානයට