මේ බාර් වහාම නවත්වන්න.. මත්පැන් අලෙවිසැල්වලට රාසමාණික්කම්ගෙන් රතු එළියක් - සුරාබදු ආඥා පනතත් සංශෝධනය කරන්න සැරසෙයි

ITAK පාර්ලිමේන්තු කණ්ඩායම් නායක පාර්ලිමේන්තු මන්ත්‍රී ෂානක්කියන් රාජපුත්තිරන් රාසමාණික්කම් මහතා, යාපනයේ සහ කිලිනොච්චියේ අතිරේක මත්පැන් අලෙවිසැල් පිහිටුවීමට දැඩි ලෙස විරුද්ධ වන අතර උතුරු පළාතේ සංවර්ධනය සහ මහජන සුභසාධනය සඳහා ප්‍රමුඛත්වය දෙන ලෙස රජයෙන් ඉල්ලා සිටියි.

ඒ අනුව ඔහු ස්ථාවර නියෝග 27(2) යටතේ අද (21) දින පාර්ලිමේන්තුවේදී, දිස්ත්‍රික්ක දෙකෙහි නව මත්පැන් අලෙවිසැල් විවෘත කිරීමේ යෝජනා පිළිබඳව කනස්සල්ල පළ කර සිටියේ, මහජන විරෝධතා සහ පාසල්, පන්සල් සහ නේවාසික ප්‍රදේශ අසල යෝජිත ස්ථාන උපුටා දක්වමින්.

එසේම පාර්ලිමේන්තු මන්ත්‍රීවරයා අවධාරණය කළේ උතුරු පළාතේ සංවර්ධනය, මත්පැන් අලෙවිසැල් සංඛ්‍යාව වැඩි කිරීමට වඩා ජීවනෝපායන්, මහජන සේවා සහ ආර්ථික අවස්ථා වැඩිදියුණු කිරීම කෙරෙහි අවධානය යොමු කළ යුතු බවයි.

ගුරු විභාගය ලියපු සියලු දෙනාගෙම ප්‍රශ්නයට අධ්‍යාපන අමාත්‍යාංශයෙන් විශේෂ පැහැදිලි කිරීමක් සමඟ නිවේදනයක්

එසේම 2024 දී හිටපු ජනාධිපති රනිල් වික්‍රමසිංහගේ පාලන සමයේදී නිකුත් කරන ලද බවට වාර්තා වන මත්පැන් බලපත්‍ර 361 සම්බන්ධයෙන් ද රාසමාණික්කම් මන්ත්‍රීවරයා රජයෙන් ප්‍රශ්න කරයි.

මේ අතර ඔහු ඉල්ලා සිටියේ බලපත්‍ර නිර්දේශ කළ දේශපාලනඥයන්ගේ නම්, ප්‍රතිලාභීන්ගේ විස්තර, සිදු වූ බවට චෝදනා එල්ල වන අක්‍රමිකතා පිළිබඳ විමර්ශනවල සොයාගැනීම් සහ පසුව අවලංගු කරන ලද බලපත්‍ර සංඛ්‍යාව හෙළි කරන ලෙසයි.

එහිදී විශේෂයෙන් මඩකලපුවේ නීතිවිරෝධී මත්පැන් නිෂ්පාදනය සහ විකිණීම පුළුල් වශයෙන් පැතිරීම පිළිබඳව මන්ත්‍රීවරයා තවදුරටත් කනස්සල්ල පළ කළ අතර, ‍යළි යළිත් වැරදි කරන්නන්ට එරෙහිව දැඩි ලෙස ක්‍රියාත්මක කිරීම සහ දැඩි දඬුවම් ලබා දෙන ලෙස ඉල්ලා ඇත.

සියල්ල උඩුයටිකුරු වෙයි - හූති කැරළිකරුවන්ගේ මිසයිල සහ ඩ්‍රෝන ප්‍රහාර මැද සෞදි අරාබියේ ආරක්ෂාව වෙනුවෙන් ගත් තීරණය

තවද නීත්‍යානුකූලව නිෂ්පාදනය කරන ලද මධ්‍යසාර වෙනුවෙන් ඉහළ බදු පැනවීම පාරිභෝගිකයින් ලාභදායී නීති විරෝධී විකල්ප වෙත යොමුවීමට දිරිගන්වන්නේද යන්නත්, ඒ ඔස්සේ මධ්‍යසාර ආශ්‍රිත සෞඛ්‍ය අවදානම් වැඩි වීමටත්, මහජන සෞඛ්‍ය සේවා පද්ධතියට ඇති බර වැඩි වීමටත් හේතු වී තිබේද යන්නත් ඔහු විමසයි.

පසුගිය 2024 සැප්තැම්බර් මාසයේ සිට යාපනය සහ කිලිනොච්චි හි යෝජිත, අනුමත කරන ලද හෝ නිකුත් කරන ලද මත්පැන් බලපත්‍ර පිළිබඳ විස්තර සමඟ, 2025 සහ 2026 සඳහා නීති විරෝධී මත්පැන් වැරදි සහ යළි යළිත් වැරදි කරන්නන් පිළිබඳ දිස්ත්‍රික්ක මට්ටමින් සංඛ්‍යාලේඛන රාසමාණික්කම් මහතා ඉල්ලා සිටියි.

එමෙන්ම ඔහු රජයෙන් ඉල්ලා සිටියේ මත්පැන් බලපත්‍ර ලබා දීමේදී විනිවිදභාවය සහතික කරන ලෙසත්, මහජන විරෝධතා සලකා බලන ලෙසත්, නීති විරෝධී මත්පැන් නිෂ්පාදනය හා අලෙවියට එරෙහිව සටන් කිරීම සඳහා වන පියවර ශක්තිමත් කරන ලෙසත් ය.

මේ අතර පාර්ලිමේන්තු මන්ත්‍රීවරයාගේ ප්‍රශ්නවලට පිළිතුරු දෙමින් ආර්ථික සංවර්ධන නියෝජ්‍ය අමාත්‍ය නිශාන්ත ජයවීර මහතා ප්‍රකාශ කළේ වැරදිකරුවන්ට දඬුවම් වැඩි කිරීමට සුරාබදු ආඥා පනත සංශෝධනය කිරීම වෙනුවෙන් දැනටමත් කෙටුම්පත් සකස් කර ඇති බවත් අදාළ ක්‍රියාවලිය දැනටමත් ආරම්භ කර තිබෙන බවත්ය.

එමෙන්ම පවතින ආඥාපනත දැන් සංශෝධනය කර ඇති බවත්, ඉදිරියේදී නීතිමය සංශෝධන ඊට ඇතුළත් කරන බවත් නියෝජ්‍ය අමාත්‍ය නිශාන්ත ජයවීර මහතා වැඩිදුරටත් ප්‍රකාශ කළා.

කරන්ට් මදිවට වතුරත් කපයි - අද සිට සිකුරාදා සවස 3 දක්වා මේ අයට ජල සැපයුම තාවකාලිකව අත්හිටුවන බවට නිවේදනයක්

එසේම පවතින ආඥාපනතේ අඩුපාඩු හඳුනාගෙන නිවැරදි කර ඇති බව ප්‍රකාශ කළ ඔහු, එය ඉක්මනින් අනුමත කිරීමට අපේක්ෂා කරන බවත් සඳහන් කළා.

එහිදී වැඩිදුරටත් පාර්ලිමේන්තු මන්ත්‍රී ෂානක්කියන් රාජපුත්තිරන් රාසමාණික්කම් මහතා කියා සිටියේ,

" ඒ වගේම තමයි දැනට මේ අලුතින් දාන බාර් හය පිළිබඳව, කිලිනොච්චියට දෙකයි යාපනය දෙකයි වහාම නවත්වන්න කියලා ඉල්ලා සිටිනවා. මොකද යාපනයේ කිලිනොච්චියේ දැනටමත් පවතින බාර් ප්‍රමාණය වැඩියි. ඒ ප්‍රදේශයේ ජනතාවගේ ජීවනෝපායෙන් හොයා ගන්නා මුදල් බාර් හරහා විනාස වෙමින් පවතින බවත් කියන්න ඕනේ." යනුවෙන්.

බැංකු ගනුදෙනුකරුවන්ට මහජන බැංකුවෙන් විශේෂ දැනුම්දීමක් - නොවැම්බර් 1 සිට ක්‍රියාත්මක වන අලුත්ම නීතිය මෙන්න