ත්‍රස්තවාදය වැළැක්වීමේ පනත් කෙටුම්පත (PTA) ඉදිරියේදී අවලංගු කිරීමට රජය සැලසුම් කරයි — අග්‍රාමාත්‍ය හරිනි අමරසූරිය කියයි
Dharu
සෞභාග්‍යමත් රටක් සහ ලස්සන ජීවිතයක්" යන දැක්ම යටතේ ජාතික ජන බලවේගය විසින් ඉදිරිපත් කළ මැතිවරණ ප්‍රතිඥාපතට අනුව, ත්‍රස්තවාදය වැළැක්වීමේ පනත (Prevention of Terrorism Act - PTA) ඉදිරියේදී අවලංගු කිරීමට රජය කටයුතු කරන බව අග්‍රාමාත්‍ය හරිනි අමරසූරිය මහත්මිය පවසයි.
ඇය මේ බව ප්‍රකාශ කළේ මන්නාරම දිස්ත්‍රික්කයේ මුසලි මැතිවරණ කොට්ඨාශයේ සිලාවතුර බස් නැවතුම අසළ ඊයේ (12) පැවති මහජන රැුළියකට එක්වෙමින්ය.
අගමැතිවරිය වැඩිදුරටත් පැවසුවේ, PTA අවලංගු කිරීමේ ක්‍රියාවලියට අධීක්ෂණය කිරීම සඳහා කැබිනට් මණ්ඩලය විසින් විශේෂ කමිටුවක්ද පත්කර ඇති බවත්, එම කමිටුවේ නිර්දේශ අනුව අවශ්‍ය නීතිමය පියවර අනාගතයේදී ගනු ඇති බවත්ය.
ඇය අවධාරණය කළේ, ජාතික, ආගමික හෝ භාෂාමය වෙනස්කම් මත කිසිඳු පුද්ගලයෙකුට අතිචාරයක් සිදු වීම කිසිවිටකත් ඉවසිය නොහැකි බවත්, රජය කිසිදු අර්බුදයකට ජාතිවාදී හෝ වර්ගවාදී මනෝභාවයකින් ප්‍රතිචාර දැක්වීමෙන් වළකින බවත්ය.
"මෙරට ජනතාවගේ මූලික අයිතිවාසිකම් හා නිදහස් රැකීම රජයේ ප්‍රමුඛ වගකීමක් වේ," යනුවෙන්ද අග්‍රාමාත්‍යවරිය අවසන් වශයෙන් සඳහන් කළාය.
![දේශබන්දුගේ නොදුටු පැත්ත සහ පාස්කු ප්‍රහාරයට සම්බන්ධ වුන හැටි මෙන්න [VIDEO]](https://cdn.ibcstack.com/article/8188a173-26d0-4cf2-b00e-4088ab61ae29/25-67f38dc094dcf-sm.webp)
