ඡන්ද පත්‍රිකා මුද්‍රණය කර අවසන් - ඡන්දෙ තීන්දුයි

පළාත් පාලන මැතිවරණයට අදාළ තැපැල් ඡන්ද පත්‍රිකා මුද්‍රණය අවසන් කර මේ වන විට මැතිවරණ කොමිසම වෙත භාර දී ඇති බව රජයේ මුද්‍රණාලාධිපති ප්‍රදීප් පුෂ්පකුමාර මහතා පවසනවා.

ඒ අනුව ඔහු පැවසුවේ දිස්ත්‍රික්ක 25ට අදාළ තැපැල් ඡන්ද පත්‍රිකා මුද්‍රණය අවසන් කර මැතිවරණ කොමිසම භාර දී ඇති බවයි.

 මේ වන විට සියලු දිස්ත්‍රික්කවලට අදාළ ඡන්ද පත්‍රිකා මුද්‍රණය වෙමින් පවතින බවත් දිස්ත්‍රික්ක 10කට අදාළව සියලුම ඡන්ද පත්‍රිකා මුද්‍රණය මේ වන විටත් අවසන් කර ඇති බවත් ඔහු පවසනවා.

ඒ අනුව පොළොන්නරුව, කිලිනොච්චි, වවුනියා, මුලතිව්, හම්බන්තොට, මාතර, මොණරාගල, මාතලේ, මඩකලපුව සහ මන්නාරම දිස්ත්‍රිකවලට අදාළ ඡන්ද පත්‍රිකා මේ වන විට මුද්‍රණය අවසන් කර තිබෙනවා.

මුද්‍රණාලයාධිපතිවරයා පැවසුවේ මුද්‍රණය කරන ලද ඡන්ද පත්‍රිකා මුද්‍රණය කර අවසන් වූ පසු මැතිවරණ කොමිසම වෙත භාර දීමට සැලසුම් කර ඇති බවයි.

මේ අනුව අප්‍රේල් මස 28 වැනි දින අදාළ ඡන්ද පත්‍රිකා මුද්‍රණය අවසන් කර ලබා දීමට බලාපොරොත්තු වන බවත් ඔහු පැවසීය.

මේ වන විට මුද්‍රණ දෙපාර්තමේන්තුව තුළ ආරක්ෂාව තර කර ඇති බවත් පොලීසිය සහ විශේෂ කාර්ය බළකාය එක්ව සියලු ආරක්ෂක විදි විධානයන් යොදවා ඇතැයි පැවසූ මුද්‍රණාලයාධිපතිවරයා පැවසුවේ, කොළඹ මහ නගර සභාව මුද්‍රණ දෙපාර්තමේන්තුව තුළ පරීක්ෂා කිරීම් සිදුකර ගිනි ගැනීම් ඇති වීම වැළැක්වීම සඳහාද ක්‍රම උපායන් දියත් කර ඇති බවය

එමෙන්ම යම් කිසි හදිසි තත්ත්වයක් ඇති වුවහොත් ගිනි නිවීමේ රථද සූදානම් කර ඇති බවත් ඔහු පැවසීය.

එමෙන් මැතිවරණ කොමිසම දන්වා ඇති පරිදි ඡන්ද පත්‍රිකා මුදණය ආරම්භ කර ඇතැයිද අමතර මුද්‍රණයක් අවශ්‍ය වුවහොත් ඒ සඳහා මැතිවරණ කාර්යාලය විසින් මුද්‍රණ දෙපාර්තමේන්තුව දැනුවත් කළ යුතු බවත් ඔහු පවසයි.

අමතර ඡන්ද පත්‍රිකා මුද්‍රණය සඳහාද මුද්‍රණ දෙපාර්තමේන්තුව සූදානම් කර ඇතැයිද ඒ වෙනුවෙන් අමතර මුදලක් වැය කිරීමට සිදුවනු ඇතැයිද මුද්‍රණාලයාධිපතිවරයා වැඩිදුරටත් අදහස් දක්වමින් පැවසීය.

අලුත් අවුරුද්දට ගමේ යන්න ඉන්න ඔයාට මෙන්න සතුටු හිතෙන ආරංචියක්

මෙරට ජනගහණ වර්ධනයේ අඩුවක්?? හේතුව මෙන්න