බිම්ස්ටෙක් සමුළුවට අගමැතිනිය බැංකොක් යයි.
Akash
අග්‍රාමාත්‍ය ආචාර්ය හරිනි අමරසුරිය ඊයේ පස්වරුවේ තායිලන්තය බලා පිටවගොස් තිබුනා.
ඒ තායිලන්තයේ බැංකොක් නුවර පැවැත්වෙන බහු - තාක්ෂණික සහ ආර්ථික සහයෝගොතාව සදහා වන බෙංගාල බොක්ක ප්‍රවේශයේ ( BIMSTEC) 6 වැනි සමුළුව සදහා සහභාගී වීම සඳහායි.
එහිදී සමුළුව සඳහා සහාභාගී වන නායකයින් වෙනුවෙන් වෙන් වූ භෝජන සංග්‍රහයටද අග්‍රාමාත්‍යවරිය සහභාගී තිබුණා.
BIMSTEC 6 වැනි සමුළුව අද පැවැත්වෙන අතරම වසර තුනකට පසු පැවැත්වෙන සමුළුවේ මෙවර තේමාව වී ඇත්තේ ''සෞභාග්‍යවත් ඔරොත්තු දීම සහ විවෘතභාවය'' යන්නයි.
සමුළුවේ අරමුණ වන්නේ සාමාජික රටවල් හත වන බංග්ලාදේශය , භූතානය , ඉන්දියාව , මියන්මාරය , නේපාලය, ශ්‍රී ලංකාව සහ තායිලන්තය අතර හවුල් ආරක්ෂක සහ සංවර්ධන අභියෝගතාවලට මුහුණ දීමට සහයෝගිතාව ශක්තිමත් කිරීමයි.
සමුළුවට සමගාමිව තායි - ශ්‍රී ලංකා වාණිජ මණ්ඩලය එක්ව සංවිධානය කල ශ්‍රී ලංකාවට ආයෝජන අවස්ථා ආකර්ෂණය කරා ගැනීම අරමුණු කරගත් '' ශ්‍රී ලංකාවේ ආයෝජනය කරන්න '' ප්‍රවර්ධන වැඩසටහන් වලටද අග්‍රාමාත්‍යවරිය සහභාගී වුණා.
බැංකොක් නුවර පිහිටි ඓතිහාසික වට් ෆෝ විහාරස්ථානයට පැමිණි අතර විහාරාධිපති හිමියන් බැහැදැක ආශිර්වාද ලබා ගැනීමටද අග්‍රාමාත්‍යවරිය කටයුතු කර තිබෙනවා.
