සියලුම අමාත්‍යාංශ ලේකම්වරුන් අතර විශේෂ නිල හමුවක්

ජනාධිපති ලේකම් ආචාර්ය නන්දික සනත් කුමානායක මහතා සහ සියලුම අමාත්‍යාංශ ලේකම්වරුන් අතර විශේෂ නිල හමුවක් ඊයේ 19 වැනිදා පස්වරුවේ කොළඹ පිහිටි ජනාධිපති ලේකම් කාර්යාලයේදී ඉතාමත් සාර්ථකව පැවැත්විණි.

මෙම වැදගත් සාකච්ඡාවට සමගාමීව අමාත්‍යාංශ ලේකම්වරුන්ගේ වාර්ෂික රාජකාරි කාර්යසාධනය විධිමත්ව ඇගයීම වෙනුවෙන් විශේෂ කාර්යසාධන ගිවිසුම්වලට නිල වශයෙන් අත්සන් තැබීම ද සිදු වූ අතර වසරකට දෙවතාවක් අදාළ කාර්යසාධනයන් ප්‍රමිතිගතව ඇගයීමට ද මෙහිදී තීරණය කෙරිණි.

එක් එක් අමාත්‍යාංශ සඳහා වෙන් කරන ලද ප්‍රාග්ධන අයවැය යටතේ මූල්‍ය ප්‍රතිපාදන ඵලදායී ලෙස යෙදවූ ආකාරය, දැනටමත් රට පුරා ක්‍රියාත්මක කර ඇති සංවර්ධන ව්‍යාපෘතිවල සැබෑ ප්‍රගතිය මෙන්ම මෙම වසර තුළ සම්පූර්ණයෙන්ම අවසන් කිරීමට නියමිත විශේෂ ව්‍යාපෘති කඩිනම් කිරීම පිළිබඳව ද මෙහිදී දීර්ඝ ලෙස සාකච්ඡා කෙරිණි.

ඉන්ධන මිල වැඩි රුපියල් ගණනකින් පහළට - නව අගයන් මෙන්න

විදේශීය ආයෝජන දිරිගැන්වීමේදී වර්තමානයේ විදෙස් ආයෝජකයන් මුහුණදී සිටින විවිධ පරිපාලනමය ගැටලු පිළිබඳව ද මෙහිදී විශේෂ අවධානය යොමු කෙරුණු අතර මෙරට සිදු කිරීමට නියමිත සියලුම ආයෝජන ව්‍යාපෘති කිසිදු ප්‍රමාදයකින් තොරව කඩිනමින් ආරම්භ කිරීමට විදෙස් ආයෝජකයන්ට අවශ්‍ය සියලුම රාජ්‍ය පහසුකම් කාර්යක්ෂමව සලසාදීම පිළිබඳව ද මෙහිදී සාකච්ඡා වූ බව ජනාධිපති මාධ්‍ය අංශය නිල නිවේදනයක් නිකුත් කරමින් සඳහන් කළේය.

මීට අමතරව සමස්ත රාජ්‍ය සේවයම වඩාත් විධිමත් කරමින් සියලුම අමාත්‍යාංශ සහ රජයේ දෙපාර්තමේන්තු පූර්ණ ඩිජිටල් පරිවර්තනයට ලක් කිරීමේ සංවර්ධන කටයුතු සඳහා අවශ්‍ය කරන මූලික මාර්ගෝපදේශ සම්බන්ධවත් මෙහිදී විශේෂ අවධානය යොමු වූ බව වැඩිදුරටත් සඳහන්ය.

දෙමව්පියන්ට හා සිසුන්ට විශේෂ නිවේදනයක් - පාසල තුළ සිසුන්ට මේ දේවල් තහනම් - සෞඛ්‍ය අංශයෙන් දැනුම්දීමක්