"මම පැය 18ක් වැඩ කළේ ඒ නිසයි" - දීපිකාගේ කතාවට ප්‍රීති සින්ටාගෙන් ආපු වෙනස්ම උත්තරය

දීපිකා පදුකෝන් සම්බන්ධයෙන් පසුගියදා මතුවූ පැය අටක වැඩ කරන දින පිළිබඳ සංවාදය සම්බන්ධයෙන් ජනප්‍රිය බොලිවුඩ් නිළි ප්‍රීති සින්ටා සිය අදහස් පළ කර තිබේ.

විශේෂයෙන්ම මවක් ලෙස දිගු රූගත කිරීම් සහ වැඩ කරන වේලාවන් කළමනාකරණය කරන්නේ කෙසේද යන්න පිළිබඳව දීපිකාගේ ස්ථාවරය ගැන ඇයගෙන් වක්‍රව විමසීමක් සිදුකර ඇත.

‘වයිබ්’ චිත්‍රපටයේ ට්‍රේලර් එළිදැක්වීමේ අවස්ථාවේදී ප්‍රීති හෙළි කළේ එම චිත්‍රපටයේ රූගත කිරීම් අතරතුර ඇතැම් දිනවල දිනකට පැය 18කට ආසන්න කාලයක් වැඩ කිරීමට සිදුවූ බවයි.

රූගත කිරීම් දිනපතාම පාහේ ඉතා දිගු වූ බව සඳහන් කළ ඇය, එම අමතර පැය ගණන වැඩ කිරීමට තමන් කැමැත්තෙන් සිටි බවද පැවසුවාය. ඇය පැහැදිලි කළේ, තම දරුවන් සමඟ කාලය ගත කිරීම සඳහා හැකි ඉක්මනින් වැඩ අවසන් කර නැවත ඇමරිකාවට යාම තම ප්‍රධාන අරමුණ වූ බවයි.

“මගේ දරුවන් සමඟ සිටීමට ඇමරිකාවට ආපසු යාමට හැකි ඉක්මනින් මගේ වැඩ අවසන් කිරීමට මට අවශ්‍ය වුණා.

ඒ නිසා මම පැය 18ක් වැඩ කළා. මගේ මුළු අවධානයම තිබුණේ ‘කමක් නැහැ, මම එන්නම්, මම ඒක අවසන් කරන්නම්, මගේ වැඩේ ඉක්මනින් අවසන් කරමු’ කියන එක ගැනයි. ඒක තමයි මගේ හේතුව,” යනුවෙන් ප්‍රීති සින්ටා සඳහන් කළාය.