රොනාල්ඩෝගේ අවසන් ලෝක කුසලාන සිහිනය සැබෑ වෙයිද? පෘතුගාල සුපිරි බලඇණිය මෙන්න

පෘතුගාල ජාතික පාපන්දු කණ්ඩායම 2026 FIFA ලෝක කුසලානය 2026 සඳහා වන නිල සංචිතය ප්‍රකාශයට පත් කර තිබේ.

කණ්ඩායම මෙහෙයවනු ලබන්නේ 41 හැවිරිදි සුපිරි පාපන්දු තරුව ක්‍රිස්ටියානෝ රොනාල්ඩෝ විසිනි. ඔහු ඉතිහාසයේ හය වතාවක් ලෝක කුසලාන තරඟාවලියට සහභාගී වන පළමු ක්‍රීඩකයා බවට පත්වීමට නියමිතය.

ප්‍රධාන පුහුණුකරු රොබර්ටෝ මාටිනස් විසින් නම් කළ 27 දෙනෙකුගෙන් යුත් සංචිතයට බෲනෝ ෆර්නැන්ඩස් සහ බර්නාඩෝ සිල්වා වැනි ප්‍රවීණ ක්‍රීඩකයින්ද ඇතුළත් වේ.

මෙය ක්‍රිස්ටියානෝ රොනාල්ඩෝගේ අවසන් ලෝක කුසලාන තරඟාවලිය විය හැකි බවට විදෙස් මාධ්‍ය වාර්තා කරයි.

2016 දී UEFA Euro 2016 ජයග්‍රහණය කිරීමෙන් පසු පෘතුගාල ජාතික පාපන්දු කණ්ඩායම තවත් ලෝක කුසලාන ජයග්‍රහණයක් අපේක්ෂාවෙන් මෙවර තරඟාවලියට පිවිසෙයි.

පසුගිය ලෝක කුසලාන තරඟාවලිවල පෘතුගාලයේ දස්කම් මෙසේය;

2006 – 4 වැනි ස්ථානය

2010 – 11 වැනි ස්ථානය

2014 – 18 වැනි ස්ථානය

2018 – 13 වැනි ස්ථානය

2022 – 8 වැනි ස්ථානය

2022 තරඟාවලියේදී මොරොක්කෝ ජාතික පාපන්දු කණ්ඩායම හමුවේ අර්ධ අවසන් පූර්ව වටයේදී ලැබූ පරාජය පෘතුගාලයට විශාල කම්පනයක් විය.

තරුණ සහ පළපුරුදු ක්‍රීඩකයින්ගෙන් සමන්විත වත්මන් සංචිතය සමඟ, ක්‍රිස්ටියානෝ රොනාල්ඩෝ මෙවර ලෝක කුසලානය ජය ගැනීමේ දැඩි අරමුණින් පසුවන බව වාර්තා වේ.

රොනාල්ඩෝගේ හය වැනි ලෝක කුසලාන ගමන, ඔහුගේ රසිකයින්ට පමණක් නොව සමස්ත පාපන්දු ලෝකයටම විශේෂ අවස්ථාවක් වනු ඇතැයි විශ්වාස කෙරේ. 

View this post on Instagram

A post shared by Cristiano Ronaldo (@cristiano)