''ඉන්දිය තරුණ විරෝධතාවයේදී පෙලට් තුවක්කු භාවිත කළාද'' මතභේදයක් - තරුණයින්ගේ ශරීරවල පෙලට් කැබලි සිරවී තිබූ බව රෝහල් වාර්තාව හෙළි කරයි

ඉන්දියාවේ දිල්ලි නගරයේ ජන්තර් මන්තර්හි පැවති CJP (Cockroach Janta Party) විරෝධතාවයකදී තුවාල ලැබූ පුද්ගලයෙකුගේ රෝහල් වාර්තාවක “පෙලට් තුවාල” සහ තුවාල ස්ථානවල පෙලට් කැබලි සිරවී තිබූ බව සඳහන් කර ඇති බව වාර්තා වේ.

සෆ්දර්ජං රෝහලේ වෛද්‍ය වාර්තාවට අනුව, 28 හැවිරිදි පුද්ගලයෙකුගේ දකුණු වැලමිට සහ පිට ප්‍රදේශයේ තුවාල නිරීක්ෂණය කර ඇති අතර, තුවාල අවට සම අඳුරු වී තිබීම, පෙලට් කැබලි සමට සිරවී තිබීම සහ පහර වැදුණු ස්ථානවල වේදනාව පැවති බව සටහන් කර ඇත.

මෙම පුද්ගලයා 2026 ජූලි 20 වැනිදා පස්වරු 4ට පමණ රෝහලට ඇතුළත් කර තිබේ. ඔහුගේ අනන්‍යතාව හෙළි කර නොමැත. මෙම විරෝධතාව පැවැත්වුණේ NEET විභාග ප්‍රශ්න පත්‍ර කාන්දුව සම්බන්ධයෙන් ඉන්දීය අධ්‍යාපන අමාත්‍ය ධර්මේන්ද්‍ර ප්‍රධාන් මහතා ඉල්ලා අස්විය යුතු බවට කළ ඉල්ලීමක් මුල් කරගෙනය.

විභාග ප්‍රශ්න පත්‍රයේ ගැටලුව ඉන්දියාවේ උඩු දුවද්දි කැරපොත්තන් නිසා මෝදිටත් ගෙදර යන්න වෙයි.. ‍රටම බලන් ඉන්න ඉල්ලා අස්වීම ගැන පිළිතුර අද

CJP සහ අනෙකුත් ශිෂ්‍ය සංවිධාන දිල්ලි පොලිසිය විරෝධතාකරුවන්ට අධික බලය භාවිත කළ බවට චෝදනා කර ඇති අතර, පොලිසිය එම චෝදනා ප්‍රතික්ෂේප කර තිබේ. දිල්ලි පොලිසිය ප්‍රකාශ කර ඇත්තේ සාමකාමී විරෝධතාකරුවන්ට එරෙහිව පෙලට් තුවක්කු භාවිත කළ බවට පළවන වාර්තා “අසත්‍ය සහ නොමඟ යවනසුලු” බවයි.

පෙලට් තුවක්කු යනු කැරලි පාලන කටයුතු සඳහා භාවිත කරන ආයුධයක් වන අතර, එය මීට පෙර කාශ්මීරයේ විරෝධතා පාලනය කිරීම සඳහා භාවිත කර තිබුණි.

මෙම ආයුධ භාවිතය සම්බන්ධයෙන් ආරක්ෂක අංශ සහ විරෝධතාකරුවන් අතර මතභේද පවතී. මේ අතර, ජූලි 20 දින පාර්ලිමේන්තුව දෙසට ගිය විරෝධතා පා ගමනේදී අධික බලය භාවිත කළ බවට ඉදිරිපත් වූ පෙත්සම් සම්බන්ධයෙන් දිල්ලි මහාධිකරණය මධ්‍යම රජයෙන් සහ දිල්ලි පොලිසියෙන් ප්‍රතිචාර ඉල්ලා තිබේ.

‘කැරපොත්තු ජනතා පක්ෂ’ විරෝධතා උණුසුම් වෙද්දී මෝදි රජයට දැඩි පීඩනයක් එල්ලවෙයි