සුරාබදු දෙපාර්තමේන්තුවෙන් විශේෂ නිවේදනයක්
Akash
සුරාබදු දෙපාර්තමේන්තුව එළඹෙන සිංහල හා දෙමළ අලුත් අවුරුදු සමය වෙනුවෙන් සුරාසැල් වසා තැබීම සම්බන්ධයෙන් නිවේදනයක් නිකුත් කර තිබෙනවා.
එම නිවේදනයේ සඳහන් වන්නේ අප්‍රේල් 13 සහ 14 යන දෙදින සියලුම මත්පැන් විකිණීම සඳහා වූ බලපත්‍රලත් මත්පැන් හල් වසා තැබිය යුතු බවයි.
සංචාරක මණ්ඩලයේ අනුමැතිය ලත් තරු පන්ති තුන ( 03 Star ) ට ඉහල සුරාබදු බලපත්‍ර සහිත හෝටල් හා විශේෂ බුටික් විලා බලපත්‍රලත් ස්ථානවල නේවාසිකව රැඳී සිටින විදේශීය සංචාරකයින් සඳහා පමණක් මත්පැන් නිකුත් කිරීමේ හැකියාව 13 හා 14 දෙදින පවතිනවා.
සුරාබදු දෙපාර්තමේන්තු නිවේදනයේ වැඩිදුරටත් සඳහන් වන්නේ මෙම කාල සීමාව තුල සිදුවන සුරා අපරාධ , මත්ද්‍රව්‍ය අපරාධ හා දුම්කොළ අපරාධ සම්බන්ධ පැමිණිලි භාර ගැනීමට සුරාබදු දෙපාර්තමේන්තුවේ මෙහෙයුම් මැදිරිය හා සම්බන්ධිත කෙටි අංකය වන 1913 දුරකථනය දවසේ පැය 24 පුරාවටම මහජනතාව වෙත විවෘතව තැබෙන බවයි.
