පල්ලන්සේන බන්ධනාගාරය තුළ ඇති වූ නොසන්සුන්කාරී තත්ත්වය සම්බන්ධයෙන් බන්ධනාගාර දෙපාර්තමේන්තුවෙන් නිවේදනයක්

දළුපොත පල්ලන්සේන බන්ධනාගාරය තුළ ඇති වූ නොසන්සුන්කාරී තත්ත්වය මේ වන විට සම්පූර්ණයෙන්ම පාලනය කර ඇති බව බන්ධනාගාර දෙපාර්තමේන්තුව නිවේදනය කර ඇත.

ඒ අනුව නිලධාරීන් සඳහන් කළේ එම සිද්ධිය අතරතුර බන්ධනාගාරයේ ආරක්ෂාව තහවුරු කිරීමට අවශ්‍ය සියලුම ක්‍රියාමාර්ග කඩිනමින් ක්‍රියාත්මක කර තිබෙන බවත්, බන්ධනාගාරයේ ගොඩනැගිලි හෝ වෙනත් රාජ්‍ය දේපළවලට කිසිදු හානියක් සිදුව නොමැති බවත් ය.

එසේම ඊයේ (07) මධ්‍යම රාත්‍රී 12.00 පමණ වන විට බන්ධනාගාර පරිශ්‍රයේ තත්ත්වය සම්පූර්ණයෙන්ම සාමාන්‍ය තත්ත්වයට පත්ව ඇති අතර, ආරක්ෂක අංශ විසින් තත්ත්වය පාලනය කළ පසු අතිරේක ආරක්ෂක කණ්ඩායම් ඉවත් කරගෙන ගොස් තිබූ බවට තොරතුරු වාර්තා වේ.

රටම ලේ විලක් කළ බන්ධනාගාර ගැටුම් සියල්ලට හේතුව එළි වෙයි - කුමන්ත්‍රණය රටටම කියන රංජිත්

එසේම එම අවස්ථාවේදී බන්ධනාගාර පරිශ්‍රය සන්සුන් වාතාවරණයක පැවති බව සඳහන්. මේ අතර අද (08) දින උදෑසන වන විට රැඳවියන් බැලීමට ඥාතීන් සාමාන්‍ය පරිදි බන්ධනාගාරය වෙත පැමිණ තිබූ අතර, ඔවුන්ට රැඳවියන් හමුවීමට අවශ්‍ය පහසුකම් සහ අවසර ලබා දීමට බන්ධනාගාර පරිපාලනය කටයුතු කර ඇත.

එබැවින් බන්ධනාගාරයේ දෛනික කටයුතුද සාමාන්‍ය පරිදි ක්‍රියාත්මක වන බව සඳහන්.

එසේම ආරක්ෂක සහ පරිපාලන හේතු මත රැඳවියන් 78 දෙනෙකු දිවයිනේ වෙනත් බන්ධනාගාර වෙත මාරු කර යවා ඇති බව බන්ධනාගාර දෙපාර්තමේන්තුව තහවුරු කර ඇත.

අනිද්දා ශිෂ්‍යත්ව විභාගයට රට පුරා විභාග මධ්‍යස්ථාන 2,723ක් - විභාග දෙපාර්තමේන්තුවෙන් දැනුම්දීමක්

අඳාළ පිරිසෙන් රැඳවියන් 28 දෙනෙකු වැඩිදුර වෛද්‍ය ප්‍රතිකාර සහ වෛද්‍ය පරීක්ෂණ සඳහා වැලිකඩ බන්ධනාගාර රෝහල වෙත යොමු කර තිබෙනවා.

කෙසේ වෙතත් සිද්ධියට අදාළ කරුණු සම්බන්ධයෙන් වැඩිදුර විමර්ශන මේ වන විටත් ක්‍රියාත්මක අතර, බන්ධනාගාරයේ ආරක්ෂාව සහ සාමාන්‍ය කටයුතු අඛණ්ඩව පවත්වාගෙන යාමට අවශ්‍ය සියලුම පියවර ගෙන ඇති බව බන්ධනාගාර දෙපාර්තමේන්තුව වැඩිදුරටත් සඳහන් කරයි.

අද කැරට් 24 රන් පවුමක් මෙච්චරයි - හිතුවට වඩා මිල වෙනස් වුණ අද රන් වෙළඳපොළේ මිල ගණන් මෙන්න

ඔබ කිසිදා නොවිඳි අපූර්ව රස අත්දැකීමක් - සංගීතයත් එක්ක රස කෑම කන්න කිලිනොච්චියේ රීචා ග්‍රෑන්ඩ් එකට එන්න