මෙන්න මිලියනයක තෑග්ගක් දිනා ගන්න ඔබටත් සුපිරි අවස්ථාවක්..

පොලීසිය විසින්, වැල්ලව, මරළුවාව ප්‍රදේශයේදී සිදුකළ වෙඩිතැබීමේ සිද්ධියකට සම්බන්ධ සැකකරුවන් ගැන සාර්ථක තොරතුරක් ලබාදෙන අයෙකුට රුපියල් මිලියනයක ත්‍යාග මුදලක් පිරිනැමීම තීරණ කර තිබේ.

අදාළ තොරතුරු ලබාදෙන අයගේ රහස්‍යභාවය ආරක්ෂා කිරීමට පොලීසිය විසින් කටයුතු කරන බව‍යි, පොලිස් මාධ්‍ය කොට්ඨාසය නිවේදනයක් නිකුත් කරමින් සඳහන් කරන්නේ.

අදාළ ත්‍යාග මුදල පොලිස් ත්‍යාග අරමුදලින් පිරිනැමීමට වැඩබලන පොලිස්පති ප්‍රියන්ත වීරසූරිය මහතා තීරණය කර ඇත.

2024 දෙසැම්බර් 24 වනදා රාත්‍රී කාලයේ, වැල්ලව පොලිස් වසමේ වාසල එපාර්ට්ට්මන්ට්, මරළුවාව ලිපිනයේ පදිංචිව සිටි පුද්ගලයෙකුට T56 ගිනි අවියකින් වෙඩිතබා ඝාතනය කර තිබුණි.

අදාළ අපරාධයේ සැකකරුවන් අත්අඩංගුවට ගැනීම සඳහා වැල්ලව පොලීසිය හා කුරුණෑගල කොට්ඨාස අපරාධ විමර්ශන කාර්යංශය මගින් මේ වනවිට විමර්ශන සිදුකරමින් පවතී.

එම අපරාධය සම්බන්ධයෙන් යම් තොරතුරක් වෙතොත් පහත දුරකථන අංක වෙත ලබාදෙන ලෙස පොලීසිය මහජනතාවගෙන් ඉල්ලා සිටී.

දුරකථන අංක -:

071 - 8591244 - කොට්ඨාස භාර නිලධාරී, කුරුණෑගල

071 - 8591882 - පොලිස් මාධ්‍ය ප්‍රකාශක

You may like this video 👇