පොලිසියෙන් නව දුරකථන අංක තුනක් හඳුන්වා දෙයි - නිෂ්කාශන අයදුම්පත් යොමුකිරීමට අවස්ථාවක් මෙන්න

නව දුරකථන අංක කිහිපයක් පොලිස් නිෂ්කාශන සහතික පත් ලබාගැනීමට අදාළව ගැටලු ඉදිරිපත් කිරීම සඳහා හඳුන්වා දී ඇත.

පොලිස් මුලස්ථානය සඳහන් කළේ පැය 24 පුරා ක්‍රියාත්මක අදාළ දුරකථන අංක ඔස්සේ පොලිස් මුලස්ථානයේ විශේෂ මෙහෙයුම් මැදිරිය අමතා අයදුම්කරුවන්ට නිෂ්කාශන අයදුම්පත් යොමුකිරීමට අදාළව ගැටලු ඉදිරිපත් කිරීමේ හැකියාව පවතින බවයි.

ආදායම් බදු ගෙවන්නට දේශීය ආදායම් දෙපාර්තමේන්තුවෙන් නිවේදනයක් - ලබන 30ට පෙර නොකළොත් මෙන්න දඬුවම

මාර්ගගත ක්‍රමවේදය ඔස්සේ පොලිස් නිෂ්කාශන සහතික ලබාගැනීම සඳහා අයදුම්පත් යොමුකිරීම මේ වන විට තාවකාලිකව අත්හිටුවා ඇත්තේ පරිගණක පද්ධතියේ අත්‍යාවශ්‍ය නඩත්තු කටයුත්තක් හේතුවෙන්ය.

නිෂ්කාශන පරිගණක පද්ධතිය යථාවත් වන තුරු ප්‍රාදේශීය පොලිස් ස්ථාන මට්ටමින් අදාළ නිෂ්කාශන සහතික ලබාගැනීම සඳහා වන අයදුම්පත් භාරගැනීම සිදුවන බව මාධ්‍ය පොලිස් ප්‍රකාශක සහකාර පොලිස් අධිකාරී එෆ්.යු වුට්ලර් මහතා සඳහන් කළේය.

අද දහවල් 1න් පසුව මේ දිස්ත්‍රික්ක වලට විශේෂයි - කාලගුණ විද්‍යා දෙපාර්තුමේන්තුවෙන් නිවේදනයක්

මේ සම්බන්ධයෙන් යම් ගැටලුවක් වේ නම් 071 859 59 46 , 071 859 59 47 , 071 859 59 48 යන දුරකථන අංක ඔස්සේ වැඩිදුර තොරතුරු ලබාගැනීමට හැකියාව පවතින බව පොලිස් මූලස්ථානය සඳහන් කළේය.