ලංකාවම බලන් හිටපු අලුත් අවුරුදු නැකැත් සීට්ටුව රජය අබිබවා සර්වජන බලයෙන් ප්‍රකාශ කරයි

සංස්කෘතික දෙපාර්තමේන්තුව 2024 වසරේදී 'රාජ්‍ය නැකැත් කමිටුව' විසුරුවා හැර තිබෙන අතර මෙතෙක් රජය නැවතත් නැකැත් කමිටුවක් පත් කර නොමැත.

ඒ අනුව ඉකුත් අඟහරුවාදා (10) දින මෙවර අවුරුදු නැකැත් ප්‍රකාශයට පත් කෙරුණේ පෝය කමිටුවේ සාමාජිකයන් විසින් බවත්, රාජ්‍ය නැකත් කමිටුවක් පත්කිරීමට රජය වහා කටයුතු කළ යුතු බවත් පවසමින් ජ්‍යෝතිර්වේදීන් පිරිසක් රජයට සිය අප්‍රසාදය පළ කර තිබුණා.

එමෙන්ම ජ්‍යෝතිර්වේදීන් සහ සමාජ ක්‍රියාකාරීන් පිරිසක් ද බුද්ධශාසන අමාත්‍යාංශයට ගොස් රාජ්‍ය නැකැත් කමිටුව වහා සක්‍රීය කරන මෙන් ඉල්ලා තිබුණා.

එවැනි තත්ත්වයක සර්වජන බලය ප්‍රකාශ කළේ රාජ්‍ය නැකැත් කමිටුව පිහිටුවීමට රජය කඩිනම් පියවර නොගන්නේ නම් සිය පක්ෂයේ මැදිහත්වීමෙන් ජනතාවට අවුරුදු නැකැත් සීට්ටුව ඉදිරිපත් කරන බවයි.

හිස තෙල් ගෑමේ රාජ්‍ය උත්සවය පිළිබඳව විශේෂ දැනුම්දීමක්

ඒ අනුව අද වනවිට සර්වජන බලය රජයට ලබාදුන් කාලය ඉක්මවා ගොස් ඇත. එබැවින් පොරොන්දු වු පරිදි සියලු දෙනාට එකඟ විය හැකි නැකැත් සීට්ටුවක් සකස් කරන ලෙස ඔවුන් පැපිලියාන සුනේත්‍රා මහා දේවි පිරිවෙන් රාජමහා විහාරයේ පරිවේණාධිපති මහාචාර්ය පූජ්‍ය මැදගොඩ අභයතිස්ස හිමියන්ගෙන් කර තිබුණු ඉල්ලීම අනුව අද (14) ඒ සඳහා පියවර හෙන ඇත.

ඒ සම්බන්ධයෙන් සාකච්ඡා කිරීමට සර්වජන බලයේ නායක පාර්ලිමේන්තු මන්ත්‍රී දිලිත් ජයවීර මහතා ඇතුළු පිරිසක් අද දින පෙරවරුවේ එම පිරිවෙනට පැමිණ මහාචාර්ය පූජ්‍ය මැදගොඩ අභයතිස්ස හිමියන් හමුව තිබෙනවා.

එසේම මහාචාර්ය පූජ්‍ය මැදගොඩ අභයතිස්ස හිමියන්ගේ ආරාධනයට අනුව ජ්‍යෝතිර්වේදීන් 17 දෙනෙකු අද සුනේත්‍රා මහා දේවි පිරිවෙනට පැමිණ සාකච්ඡා කර සියලුදෙනාට එකඟ විය හැකි නැකත් සීට්ටුවක් සකස් කිරීමට පියවර ගෙන තිබුණා.

අනතුරුව සියලුදෙනාගේ එකඟතාවෙන් පසු එය ප්‍රකාශයට පත් විය.

ලංකාවම සමරන්න බලන් හිටපු අලුත් අවුරුදු නැකත් ගැන විශේෂ නිවේදනයක්

මුළු ලෝකෙම සමාජ මාධ්‍ය කැළඹූ විවාහයක් - පෙම්වතා සහ හොඳම මිතුරා එක්ක එකම දවසේ විවාහ වුණ මනාලිය