රුමේෂ් තරංගට අභියෝග කරන්න සැරසුණු ඉන්දියාවේ නීරජ් චොප්රාට ඩයමන්ඩ් ලීග් අවසන් අදියර අහිමි වෙයි

සුපිරි ඉන්දීය හෙල්ල විසිකිරීමේ ක්‍රීඩක නීරජ් චොප්රාට මෙවර ඩයමන්ඩ් ලීග් මලල ක්‍රීඩා තරගාවලියේ අවසන් අදියර අහිමි වී තිබේ. මේ වනවිට ලෝක හෙල්ල විසිකිරීමේ ශ්‍රේණිගත කිරීම්හි හයවැනි ස්ථානයේ පසුවන චොප්රා, මෙවර ඩයමන්ඩ් ලීග් අදියර කිහිපයකදීම ශ්‍රී ලංකාවේ හෙල්ල විසිකිරීමේ ශූර රුමේෂ් තරංගට ප්‍රබල අභියෝගයක් එල්ල කිරීමට සමත් විය.

මෙවර ඩයමන්ඩ් ලීග් අවසන් අදියර සැප්තැම්බර් 4 සහ 5 යන දෙදින බෙල්ජියමේ බ්‍රසල්ස් නුවරදී පැවැත්වීමට නියමිතය. කෙසේ වෙතත්, පුහුණුවීම් අතරතුර චොප්රාගේ විලුඹ ප්‍රදේශයේ ආබාධයක් හටගැනීම හේතුවෙන් ඔහු තරගාවලියේ අවසන් අදියරෙන් ඉවත් වී ඇති බව ඉන්දීය මාධ්‍ය වාර්තා කර තිබේ.

ඔලිම්පික් රන් පදක්කම්ලාභියෙකු වන චොප්රා, ඩයමන්ඩ් ලීග් ලුසෑන් අදියරේදී මෙම වසරේ සිය හොඳම දක්ෂතාව වාර්තා කරමින් කැපී පෙනෙන දස්කම් දැක්වීමට සමත් විය.

මේ අතර, මෙම ආබාධ තත්ත්වය හේතුවෙන් චොප්රාට ඉදිරියේදී පැවැත්වීමට නියමිත ආසියානු ක්‍රීඩා උළෙලද අහිමි විය හැකි බවට වාර්තා පළ වී තිබේ.

රුමේෂ් තරංගගෙන් සුපිරි ජයක් - හිටපු ලෝක ශූරයන්ට ළඟටවත් එන්න බැරි වෙයි

ලෝඩ්ස් පරාජයෙන් පසු බාබර්ගෙන් පුදුම සහගත පිළිතුරක් - නායකත්ව උපක්‍රම ගැන ප්‍රශ්න මතුවෙයි