'' වැඩ බැරිවෙනකොට මර්ධනය පාවිච්චි කරනවා '' නාමල් රාජපක්ෂගෙන් ආණ්ඩුවට දරුණු ප්‍රහාරයක්

  ඉතිහාසයේ වැඩි‍යෙන්ම බොරු කියපු ආණ්ඩුව මේ ආණ්ඩුව බවත් සමාජ මාධ්‍ය බැලුවහම ඒ බව දැකගැනීම හැකියාව ලැබෙන බව ශ්‍රී ලංකා පොදුජන පෙරමුණ පාර්ලිමේන්තු මන්ත්‍රී නාමල් රාජපක්ෂ මහතා සදහන් කර තිබේ.

එතුමා මේ පිළිබද ප්‍රකාශ කර ඇත්තේ මොරටුව පැවති රැස්වීමට සහභාගී වෙමිනි .

මේ පිළිබද තව දුරටත් එතුමා සදහන් කළේ මෙවන් අදහසක්

''හැම කාරණයක්ම යටපත් කරන්න ජනතාවගේ ප්‍රශ්න යට කරන්න ආණ්ඩුව දැඩි වෙහෙසක් ගන්නවා සමස්ථ රාජ්‍ය බලයම ඒ ගොල්ලො යොදවන්නේ නොහැකියාව පෙන්වන්න . තරුණයන්ගේ රැකියා ප්‍රශ්න වෙනුවට ව්‍යවසායකයා නගාසිටුවන්න උත්සහ කරනවා වෙනුවට ආණ්ඩුව උත්සාහ කර්න්නේ මර්ධනයෙන් දේශපාලනය අරගන යන්න . ත්‍රී රෝද රථ කරුවෝ ඉල්ලීමක් අරගන ගියොත් ,වි.වි ශිෂ්‍යයෝ ඉල්ලීමක් කළොත් මර්ධනය කරනවා . වැඩ බැරිවෙනකොට මර්ධනය පාවිච්චි කරනවා .
අපි වැඩ කරපු දේශපාලන පක්ෂයක් .රටේ හැම පාරක්ම හදන්න අපේ ආණ්ඩුව කටයුතු කළා . ජනතාව වෙනුවෙන් අපේ ආණ්ඩුව පෙනී ඉන්නවා.
 ඩෙංගු රෝගය ඉතාමත් සීඝ්‍රයෙන් පැතිරෙනවා . මගෙ යලුවෙක්ගෙ දරුවෙකුට ඩෙංගු හැදිලා ප්‍රාදේශීය සභාවට කිව්වහම දුම් ගහන්න රෝගීන් 10 ක් ඉන්න ඕනෙලු .
හැම ක්ෂේත්‍රයක්ම කඩා වැටිලා තියන්නේ. ඒවගේම ලෝකෙ කාලගුණයෙන් අනාවැකි කියලා තියනවා ඉදිරියට එන උෂ්ණත්ව කාලගුනය ගැන කියලා තියනවා ඒකට මොනවද අරන් තියන පිළියම් ගොවීන්ට සහන දීලා තියනවද?  ''

යෝෂිත රාජපක්ෂට ඇප හිමිවෙයි - කොළඹ මහෙස්ත්‍රාත් අධිකරණයෙන් නියෝගයක්