කුලියාපිටියේ යතුරුපැදි පහරදීම CCTV දර්ශනයෙන් හෙළිවෙයි

කුලියාපිටිය මීගහකොටුව හන්දියේදී යතුරුපැදිකරුවෙකුට තවත් යතුරුපැදිකරුවෙකු ආරක්ෂක හිස්වැසුමකින් පහර දී පලා ගොස් ඇති සිදුවීම සම්බන්ධයෙන් කුලියාපිටිය පොලීසිය විමර්ශන ආරම්භ කර තිබේ.

කුලියාපිටිය පොලීස් ස්ථානාධිපති ප්‍රධාන පොලිස් පරීක්ෂක කමල් රත්නායක මහතා සඳහන් කළේ, සිදුවීම සිදු වූ ස්ථානයේ CCTV කැමරා දර්ශන ලබාගෙන ඒ අනුව විමර්ශන සිදු කරමින් සිටින බවයි.

රථ වාහන අංශයේ ස්ථානාධිපති උප පොලිස් පරීක්ෂක නලින් මහීපාල මහතා ඇතුළු කණ්ඩායමක් මෙම විමර්ශනවල නිරත වෙමින් සිටී.

සිදුවීම පන්නල මාර්ගයෙන් කුලියාපිටියට පැමිණෙන යතුරුපැදිකරුවෙකු මාදම්පේ ප්‍රධාන මාර්ගය හරහා ගමන් ගන්නා තවත් යතුරුපැදිකරුවෙකුට ආරක්ෂක හිස්වැසුමකින් පහර දෙමින් පලා යන අයුරු CCTV දර්ශනවල සටහන් වී ඇත.

අප්‍රේල්ට තෙල් අර්බුදයක් නැහැ- නැව් 5ක ඇණවුම් ස්ථීරයි

කෙසේ වෙතත්, මේ වන විට මෙම පහරදීම සම්බන්ධයෙන් පැමිණිල්ලක් ලැබී නොමැති බව ද පොලීසිය සඳහන් කළේය.

මෙම සිදුවීම නිසා මාර්ග ආරක්ෂාව හා යතුරුපැදිකරුවන් අතර ගැටුම් සම්බන්ධයෙන් පොලීසියේ අවධානය යොමු වී ඇති අතර, සැකකරු හඳුනාගැනීමට CCTV දර්ශන භාවිතා කරමින් විමර්ශන තීව්‍ර කර ඇත.

“සීමාවන් ඉක්මවා ගිය ප්‍රහාරයක්” – කටාර් ඉරානයට දැඩි චෝදනා