මීටියාගොඩ වෙඩිතැබීම - සැකකරුවන්ගේ යතුරුපැදිය බද්දේගමදී සොයාගැනේ

ගම්පහ දිස්ත්‍රික්කයේ මීටියාගොඩ ප්‍රදේශයේ ඊයේ (17) රාත්‍රියේ සිදුවූ වෙඩිතැබීමේ සැකකරුවන් භාවිතා කළ යතුරුපැදිය බද්දේගම පොලීසිය විසින් සොයාගෙන තිබේ.

මෙම සිද්ධියෙන් 48 හැවිරිදි කාන්තාවකගේ ජීවිතය අහිමිව ඇති අතර, පොලිසිය සඳහන් කරන්නේ මෙය සංවිධානාත්මක අපරාධ කල්ලි දෙකක ආරවුලක ප්‍රතිඵලයක් බවයි.

මීටියාගොඩ වෙඩි වැදුණු කාන්තාව මරුට

යතුරුපැදියකින් පැමිණි නාඳුනන පුද්ගලයින් දෙදෙනෙකු විසින් පිස්තෝල වර්ගයේ ගිනිඅවියකින් මෙම ප්‍රහාරය එල්ල කර ඇතැයි පොලිසිය සැක පළ කරයි. තුවාල ලබන ලද කාන්තාව බලපිටිය රෝහලට ඇතුළත් කිරීමෙන් පසු ජීවිතක්ෂයට පත්ව තිබේ.

මියගිය ඇය මීටියාගොඩ ප්‍රදේශයේම පදිංචිව සිටි බව ද පොලිස් මාධ්‍ය ප්‍රකාශක, සහකාර පොලිස් අධිකාරී එෆ්.යූ. වුට්ලර් මහතා තහවුරු කර ඇත.

වෙඩික්කරුවන් මීටියාගොඩ අලුත්වල හරහා බද්දේගම දෙසට යෑමේදී යතුරුපැදිය මඟදමා පලාගිය බවට පොලිසියේ සැකයකි. බටපොල - බද්දේගම මාර්ගයේ අම්පෙගම අම්බලම අසල දමාගොස් තිබූ එම යතුරුපැදිය බද්දේගම පොලිසිය විසින් සොයාගෙන තිබේ.

සුළු මොහොතකට පෙර මීටියාගොඩ වෙඩිතැබීමක්

මෙම සිද්ධියේ විමර්ශනය සඳහා පොලිස් කණ්ඩායම් තුනක් යොදාගෙන ඇති බව පොලිස් මාධ්‍ය කොට්ඨාසය නිවේදනය කර ඇත.

මීටියාගොඩ පොලිස් ස්ථානාධිපතිවරයාගේ ප්‍රධානත්වයෙන් මෙම ක්‍රියාමාර්ග ආරම්භ කර ඇති අතර, අපරාධ පරික්ෂණ දෙපාර්තමේන්තුව සහ වෙනත් ආයතනවල සහායද ලබාගෙන ඇත. සැකකරුවන් සොයාගැනීම සඳහා CCTV රූප සහ ප්‍රදේශවාසීන්ගෙන් ලබාගත් තොරතුරු භාවිතා කරමින් විමර්ශන තීව්‍ර කර ඇත.

අද ඔබ දිහා ඇස් කොණ ගොස් ඇත්තේ වැනේ? විරුද්ධ ලිංගයේ කැපී පෙනෙන ආකර්ශනය