අම්මා හැමදාම ඔයා එක්ක ඉන්නවා -රෝනල්ඩෝට මවගෙන් සංවේදි සුභ පැතුමක්

කොලොම්බියා තරගයට පෙර ක්‍රිස්ටියානෝ රොනාල්ඩෝට මවගෙන් සංවේදී පණිවිඩයක් පෘතුගාල පාපන්දු සුපිරි තරුව ක්‍රිස්ටියානෝ රොනාල්ඩෝට, කොලොම්බියාවට එරෙහි තීරණාත්මක FIFA ලෝක කුසලාන කාණ්ඩ තරගයට පෙර ඔහුගේ මව මරියා ඩොලොරස්ගෙන් සංවේදී සුබපැතුම් පණිවිඩයක් ලැබී තිබේ.

FIFA විසින් සමාජ මාධ්‍ය ඔස්සේ ප්‍රකාශයට පත් කළ වීඩියෝ පණිවිඩයකදී ඇය සිය පුත්‍රයා ලෝක පාපන්දු ඉතිහාසයේ වාර්තා බිඳ දමමින් ඉදිරියට යාම පිළිබඳව දැඩි ආඩම්බරයක් පළ කළාය.

එමෙන්ම රොනාල්ඩෝට වසර ගණනාවක් පුරා සහයෝගය ලබාදුන් සියලුම රසිකයින්ටද ඇය ස්තුතිය පුද කළාය. "මගේ පුතා තවදුරටත් ඉතිහාසය ලියනවා කියලා මට ගොඩක් ආඩම්බරයි. ඔහුට සැමවිටම සහය දුන් සියලු දෙනාට ස්තුතියි. පුතේ, ඔයාට ආදරෙයි. අම්මා හැමදාම ඔයා එක්ක ඉන්නවා," යනුවෙන් ඇය පැවසුවාය.

ඇය තවදුරටත් පෘතුගාල කණ්ඩායමට ජය ප්‍රාර්ථනා කරමින්, පාපන්දු ක්‍රීඩාව ලොව ජනතාව එකට එක් කරන බලවේගයක් ලෙස දිගටම පවතින ලෙස ප්‍රාර්ථනා කළාය.

උස්බෙකිස්තානයට එරෙහි තරගයේදී ගෝල දෙකක් රැස් කරමින් විශිෂ්ට දස්කම් දැක්වූ රොනාල්ඩෝ, මේ වන විට ලෝක කුසලාන ඉතිහාසයේ පෘතුගාලයේ වැඩිම ගෝල ලාභියා ලෙස නව වාර්තාවක්ද පිහිටුවා ඇත.

ඔහු ගෝල 10ක් ලබාගෙන යුසේබියෝගේ ගෝල 9ක වාර්තාව පසුකර ගියේය. කොලොම්බියාවට එරෙහි තරගය පෘතුගාලයට මීළඟ වටයට සුදුසුකම් ලබා ගැනීමේදී තීරණාත්මක වන අතර, රොනාල්ඩෝගේ අත්දැකීම් සහ දක්ෂතා කණ්ඩායමට විශාල ශක්තියක් වනු ඇතැයි විශ්වාස කෙරේ.

බෙල්ජියමෙන් නවසීලන්තයට ගෝල වැස්සක් - 5 -1ක දැවැන්ත ජයක්

අද්විතීය වාර්තාවකින් FIFA හෙල්ලෙයි - ලොව පුරා රසිකයින්ගේ ඔල්වරසන් මැද සුපිරි ක්‍රීඩක ක්‍රිස්ටියානෝ රොනාල්ඩෝගේන් ලෝක වාර්තාවක්