මැද­පෙ­ර­දිග පවතින දරුණු යුද­මය තත්ත්ව­යෙන් තේ කර්මා­න්ත­යට එල්ල විය හැකි අභි­යෝ­ග­ව­ලට මුහුණ දෙන්න සුදා­නම් ඇමැති සමන්ත කිය‍යි

දැනට මැද­පෙ­ර­දිග කලා­පයේ ඇතිවී තිබෙන යුද­මය තත්ත්වය නිසා තේ කර්මා­න්ත­යට එල්ල වන අභි­යෝ­ග­ව­ලට සැල­සුම් සහ­ග­තව මුහුණ දෙන්න රජය සුදා­න­ම් බව වැවිලි කර්මාන්ත හා ප්‍රජා යටි­තල පහ­සු­කම් අමාත්‍ය සමන්ත විද්‍යා­රත්න මහතා සදහන් කර තිබේ .

ඇමැ­ති­ව­රයා මේ බව ප්‍රකාශ කළේ බත්ත­ර­මුල්ල අපේ ගම පරි­ශ්‍ර­යේදී ඊයේ (04) පැවති 2026-2030 උපාය මාර්ගික සැලැ­ස්මට අනුව “පිවි­තුරු තේ ගම්මාන Ò ආදර්ශ ගම්මාන 500 වැඩ­ස­ට­හන ගැන දැනු­ම්වත් කිරීමේ වැඩ­මු­ළු­වට එක්වෙ­මිනි.

වැවිලි කර්මාන්ත අමා­ත්‍යාං­ශයේ අධ්‍යක්‍ෂ වසන්ත විදා­නගේ, කුඩා තේ වතු සංව­ර්ධන අධි­කා­රියේ සභා­පති නිමල් උඩු­ග­ම්පොළ මහ­ත්ව­රුන් ඇතුළු පිරි­සක් මේ අව­ස්ථා­වට එක්ව සිටි­යහ.

දරුණු ඉරාන යුද්ධයෙන් මියගිය පස්වන සහ හයවන අමෙරිකානු සොල්දාදුවන් දෙදෙනාත් හඳුනාගනී

මෙම­ වැඩසටහන මගින් වසර 2030 වන­විට පිවි­තුරු තේ ගම්මාන 500ක් සකසා නිමි තේ කිලෝ මිලි­යන 400ක් නිෂ්පා­ද­න­ය­ටත් ඒ සඳහා 2026 වසර තුළදී පිවි­තුරු තේ ගම්මාන 144ක් ස්ථාප­නය සඳහා ක්ෂේත්‍ර නිල­ධා­රින් ඇතුළු පාර්ශ්ව­ක­රු­වන් දැනු­ම්වත් කිරීම සිදු­ව ඇත.

 ඇමැ­ති­ව­රයා මේ සම්බන්ධව තවදුරටත් සදහන් කළේ මෙවන් අදහසක්

'' තේ කර්මා­න්ත­යට විවිධ කාල­යන්හි විවිධ අභි­යෝග එනවා. ඒවා වැවිලි කර්මා­න්ත­ය­ටද බල­පා­නවා. මේ අභි­යෝ­ග­ව­ලට මුහුණ දෙමින් ක්ෂේත්‍රය ඉදි­රි­යට ගෙන­යාම තමයි අපේ වග­කීම. ඉරාන – ඊශ්‍රා­යල යුද්ධය අපට තාව­කා­ලික අභි­යෝ­ග­යක් වුවද අපි ඊට මුහුණ දිය යුතුයි. අපේ අප­න­යන,සංචා­රක ඇතුළු ක්ෂේත්‍ර රැස­කට මෙය බල­පා­නවා. මීට සැල­සුම් සහ­ග­තව මුහුණ දිය යුතුයි. අපි අද තේ කර්මා­න්ත­යට ඉලක්ක සහ­ග­තව මැදි­හත් වෙන්න සුදා­නම්.

අතී­තයේ මෙවන් නිසි සැල­සුම් පැව­තියේ නැහැ. තේ ගම්මාන 500 ප්‍රායෝ­ගික වැඩ­ස­ට­හන සැක­සෙන්නේ ගොවියා අතින්. අපිට රජ­යක් ලෙස සැලැ­ස්මක් සහ වැඩ­පි­ළි­වෙ­ළක් පව­තින බැවින් දැන් ගමන යන්න පුළු­වන්. පොහො­සත් රටක් ලස්සන ජීවි­ත­යක් සැල­ස්මට අනුව මුළු රජ­යම මේ අයු­රින් සැල­සුම් සහ­ග­තව ගමන අරඹා තිබෙ­නවා. මේ වැඩ­ස­ට­හන සාර්ථක කර­ගන්න ආක­ල්ප­මය වෙන­සක්ද අව­ශ්‍යයි. තේ වගා­වෙන් සාර්ථක වන්න ගොවියා ව්‍යව­සා­ය­ක­යෙක් බවට පත්කළ යුතුයි. කුඩා තේ වතු හිමි­යන් කුඩා ආයෝ­ජ­ක­යන් ලෙස ආක­ල්ප­මය වෙන­ස­කට ලක්කළ යුතුයි. මේ සඳහා තමයි තේ නිෂ්පා­දන ගම්මාන 500 සකසා ව්‍යව­සා­ය­ක­යන් නිර්මා­ණය කරන්නේ. සියලු ඉඩම් ඵල­දායී තත්ත්ව­යට ගෙන­ඒම රජයේ අපේ­ක්ෂාව. අතී­තයේ පැවති නි‍වසේ සිට කාර්යා­ලය දක්වා අද වෙනස් වෙලා. වගාව තවම වෙනස් වී නැහැ.

නමුත් ලෝකයේ කෘෂි­ක­ර්මා­න්තය කොත­රම් වෙනස් වෙලාද?. අතී­තයේ ලෝක තේ නිෂ්පා­ද­නයේ අපි දෙවැනි තැන සිටියේ. මේ ගම්මාන 500 වැඩ­ස­ට­හන ඵල­දායී වැඩ­ස­ට­හ­නක්. ගොවියා සහ රටේ ජන­තාව විශ්වා­සය තබන වැඩ­ස­ට­හ­නක් ලෙස මේ ව්‍යාපෘ­තිය ඉදි­රි­යට ගෙනි­ය­නවා. මේ සඳහා රජය සහ සියලු ආය­තන එකට එක්ව ඉදි­රි­යට යෑමට අපි සැල­සුම් කර තිබෙ­නවා. ඒ සඳහා ජාතික මෙන්ම ග්‍රාමීය ඉල­ක්කද සකසා තිබෙ­නවා.

අපේ රටේ ජෙට්,රොකට් හදන්න බැරි­වු­ණාට සිය­වස් ගණ­නා­වක් පව­තින තේ කර්මා­න්තය දියුණු කරන්න අපට පුළු­වන්. මේ සඳහා දාය­ක­වන ගොවියා ඇතුළු සියලු දෙනා ඇග­යී­මට අපි සුදා­නම්. ගම්මාන 500 අවශ්‍ය මූල්‍ය සහ­යද රජ­යෙන් ලබා­දී­මට සැල­සුම් කර තිබෙ­නවා. සාම්ප්‍ර­දා­යික තේ ව්‍යාපා­ර­යෙන් ඔබ්බට ගොස් නව ලොවට ගැළ­පෙන තේ වෙළෙ­ඳ­පො­ළක් සඳහා පිය­වර ගන්නවා. සිලෝන් ටී සංක­ල්පය මේ ගම්මාන වෙත රැගෙන යනවා.    ''

ලංකාවට ඔබ්බෙන් වූ මුහුදෙදි මිලේච්ඡ ප්‍රහාරයකට ලක්වූ ඉරාන නෞකාවේ සිටි 84 දෙනෙක්ගේ මළ සිරුරු සොයා ගනී