නගරාධිපති තෝරන ඡන්දෙට අපිත් එනවා - මුජිබර්

ඡන්දයකින් නගරාධිපති තෝරාපත් කරගන්නා කොළඹ මහ නගර සභාවේ නගරාධිපති ඡන්දයට සමගි ජන බලවේගය ඉදිරිපත් වන බව පාර්ලිමේන්තු මන්ත්‍රී මුජිබර් රහුමාන් පවසනවා. කොළඹ මහ නගර සභාවේ බලය පිහිටුවීමට සමගි ජන බලවේගය ප්‍රමුඛ විපක්ෂ කණ්ඩායම්වලට හැකි බවත්, මේ වන විටත් එම විපක්ෂ මන්ත්‍රීවරුන් සමඟ සාකච්ඡා කරමින් සිටින බවයි අද (08) පැවති මාධ්‍ය හමුවකට එක්වෙමින් මන්ත්‍රීවරයා සඳහන් කළේ.

නව විභාග කොමසාරිස් ජනරාල් පත්කිරීම සඳහා කැබිනට් අනුමැතිය

එක්සත් ජාතික පක්ෂය ද කොන්දේසි විරහිතව සහාය ලබාදෙන බවට දැනුම් දී ඇති බවද, නගරාධිපතිවරයා වන්නේ කවුරුන්ද යන්න තවත් දින කිහිපයකින් යෝජනා කරන බවද ඔහු වැඩිදුරටත් ප්‍රකාශ කරනවා.

ජාතික ජන බලවේගය කොළඹ මහ නගර සභාවේ ලබාගත් මන්ත්‍රී සංඛ්‍යාවට වඩා වැඩි මන්ත්‍රී ධූර සංඛ්‍යාවක් විපක්ෂයේ සිටින සමගි ජන බලවේගය ප්‍රමුඛ පක්ෂවලට හිමි වී ඇති බවත්, 50% ක් කිසිවෙක් ලබා නොගැනීම නිසා නගරාධිපතිවරයා තෝරා ගැනීමට ඡන්දයක් පැවැත්විය යුතු බවයි ඔහු වැඩිදුරටත් ප්‍රකාශ කර සිටියේ‍. 

කෙහෙලිය අල්ලස් කොමිසමින් අත්අඩංගුවට