ජංගම දුරකථනයෙන් අමුතු දේවල් පෙන්නා දැරියක් අපයෝජනයට පොළඹවාගත් අයෙක් අත්අඩංගුවට..
Piyumika
බෙන්තොට – හුංගන්තොට ප්රදේශයේ දී බාලවයස්කාර දැරියක් ලිංගික අපයෝජනය කළ බව කියන පුද්ගලයෙකු පොලිසිය මගින් ඊයේ (15) පස්වරුවේ අත්අඩංගුවට ගෙන තිබෙනවා.
මෙලෙස අත්අඩංගුවට ගෙන ඇත්තේ 48 හැවිරිදි විවාහක පුද්ගලයෙකුය.
වින්දිත දැරියගේ පියා සිය දෙවැනි දරුවා අමතර පන්තියකට රැගෙන ගොස් මව ද නිවසේ නොසිටි අවස්ථාවේ මෙම සිදුවීම වී ඇතැයි දැරියගේ පියා පොලිසියට කළ පැමිණිල්ලේ සඳහන්.
සැකකාර පුද්ගලයා දැරියට විටින් විට විවිධාකාරයේ ජංගම දුරකථන දර්ශන නැරඹීමට ඉඩ සලස්වා ඇයට ළෙන්ගතුකමක් පෙන්වා ඒ ඇසිල්ලෙන් මෙලෙස දැරිය අපයෝජනය කිරීමට පොළඹවාගෙන ඇතැයි පරීක්ෂණ මගින් හෙළිදරවු වී තිබෙනවා.
අත්අඩංගුවට ගත් සැකකරු ප්රදේශයේ විහාරස්ථානවල ප්රධාන දායකයකු ලෙස ද පෙනී සිටිමින් කටයුතු කරන්නෙක් බවත් දැව ආශ්රිත ව්යාපාර කටයුතුවල නියුතු අයකු බවත් අනාවරණය වී ඇතැයි පැවසෙන්නේ.
සිද්ධියට මුහුණ පෑ වින්දිත දැරිය 14 හැවිරිදි වියෙහි පසුවන අයෙක් බවත්; ඇය මේ වනවිට බලපිටිය මූලික රෝහලට ඇතුළත් කර ඇති අතර සැකකරු අද (16) බලපිටිය මහේස්ත්රාත් අධිකරණයට ඉදිරිපත් කිරීමට නියමිතයි.
