මව බේරාගන්න ගිය බාල සොහොයුරාගේ පහරදීමෙන් වැඩිමහල් සොහොයුරා මරුට

අඟුරුවාතොට, පෙතිගමුව කන්ද ප්‍රදේශයේදී අද (19) අලුයම සිදුවූ තියුණු ආයුධ පහරදීමකින් 37 හැවිරිදි පුද්ගලයෙකු ජීවිතක්ෂයට පත්ව තිබේ.

හල්තොට ප්‍රදේශයේ පදිංචිකරුවෙකු වන මියගිය තැනැත්තා, නිතර බීමත්ව නිවසේ අඬදබර කරගන්නා අයෙකු බව පොලිස් විමර්ශනවලදී අනාවරණය වී ඇත.

ටෙලිග්‍රෑම් භාවිතා කරන්නන්ට අනතුරු ඇඟවීමක් - ඔබේ මුදල් නැතිවෙන්න කලින් දැනුවත් වෙන්න

ඊයේ (18) රාත්‍රියේ මියගිය පුද්ගලයා සිය මවට පහර දෙමින් සිටි අවස්ථාවේදී, ඇයව බේරාගැනීමේ අරමුණින් 35 හැවිරිදි බාල සොහොයුරා විසින් මන්නයකින් පහරදී ඇති බව පොලිසිය පවසයි.

මරණකරුගේ පහරදීමට ලක්වූ මව තුවාල ලබා මේ වන විට හොරණ දිස්ත්‍රික් රෝහලට ඇතුළත් කර ඇත.

මෙයට පෙරද මියගිය තැනැත්තා සිය පියාට පහරදී තුවාල සිදුකර තිබූ අතර, පියාද හොරණ රෝහලෙන් ප්‍රතිකාර ලබාගෙන තිබූ බව වාර්තා වේ.

සියලු බලාපොරොත්තු සමඟ රුමේෂ් තරංග අද රාත්‍රියේ ජපානය බලා පිටත්වෙයි

සිද්ධියට සම්බන්ධ 35 හැවිරිදි සැකකාර සොහොයුරා අත්අඩංගුවට ගෙන ඇති අතර, අඟුරුවාතොට පොලිසිය වැඩිදුර විමර්ශන මෙහෙයවයි