විදේශීය දුම්වැටි සහ බීඩි තොගයක් සමග පුද්ගලයෙකු ගුවන්තොටේදී කොටු

මෙරටට නීතිවිරෝධී ලෙස රැගෙන ආ විදේශීය නිෂ්පාදිත දුම්වැටි සහ බීඩි තොගයක් සමග සැකකරුවෙකු ගුවන් තොටුපොළ පොලිස් මත්ද්‍රව්‍ය කාර්යාංශය විසින් අත්අඩංගුවට ගෙන ඇත.

ගුවන් තොටුපොළ පොලිස් මත්ද්‍රව්‍ය කාර්යාංශය සදහන් කරන්නේ එහිදී පොලිස් භාරයට ගත් එම දුම්වැටි සහ බීඩි තොගයේ වටිනාකම රුපියල් විසි ලක්ෂ තිස් අට දහසකට අධික බවයි.

මෙම අදාළ සැකකරු අද (17) අලුයම අත්අඩංගුවට ගෙන තිබේ .

තවද පොලීසිය සදහන් කළේ අත්අඩංගුවට ගත් පුද්ගලයා මතුගම, වලල්ලාවිට ප්‍රදේශයේ පදිංචි 33 හැවිරිදි මෝටර් කාර්මිකයෙකු බවයි.

ඔහු අද අලුයම 12.40ට ඉන්දියාවේ චෙන්නායි නුවර සිට කටුනායක ගුවන් තොටුපොළ වෙත පැමිණ ඇත.

''ජූලි චන්ග් ලංකාවෙන් යන එක කිරිබත් කාලා, රබන් ගහලා සමරන්න ඕනෙ දෙයක් '' ගම්මන්පිල කියයි

මෙම සැකකරු විසින් රැගෙන ආ ගමන් මලු හතරක් තුළ සෙල්ලම් බඩු, සාරි, කමිස ඇතුළු භාණ්ඩ අතර සඟවා ගෙන විදේශීය නිෂ්පාදිත දුම්වැටි 12,000ක් අඩංගු දුම්වැටි කාටූන් 60ක් සහ ඉන්දියාවේ නිෂ්පාදිත බීඩි 23,800ක් අඩංගු බීඩි බණ්ඩල් 19ක් රැගෙන ආ බව පරීක්ෂාවලදී හෙළිවී තිබේ.

පොලීසිය තවදුරටත් සදහන් කර කළේ අත්අඩංගුවට ගත් සැකකරු එළැඹෙන 21 වැනිදා මීගමුව මහේස්ත්‍රාත් අධිකරණය වෙත ඉදිරිපත් කිරීමට නියමිත බවයි. 

"කිසි සේත්ම අපි තනියෙන් හිරේ යන්නේ නෑ.." - ග්‍රාම නිළධාරීන්ගේ දැඩි ප්‍රකාශය