මේ ජලාශ තවදුරටත් වාන් දමයි - ජනතාවට නිවේදනයක්

වාරිමාර්ග අධ්‍යක්ෂ ජල කළමනාකරු ඉංජිනේරු එච්.පී.එස්.ඩී. හේරත් මහතා පවසන පරිදි, වාරිමාර්ග දෙපාර්තමේන්තුව සතුව ඇති ප්‍රධාන ජලාශ 30ක් සහ මධ්‍යම ප්‍රමාණයේ ජලාශ 39කට අධික ප්‍රමාණයක් මේ වන විටත් වාන් දමමින් පවතියි.

ඒ මහතා සඳහන් කළේ, එම ජලාශ අතර අම්පාර දිස්ත්‍රික්කයේ සේනානායක සමුද්‍රය, අනුරාධපුර දිස්ත්‍රික්කයේ මහවිලච්චිය, මහකනදරාව සහ රාජාංගන ජලාශ, කුරුණෑගල දිස්ත්‍රික්කයේ දැදුරු ඔය, හම්බන්තොට දිස්ත්‍රික්කයේ ලුණුගම්වෙහෙර, සහ බදුල්ල දිස්ත්‍රික්කයේ සොරබොර ජලාශද පිළිබඳව ය.

වැඩේ හරි ආපදාව කලින් කිව්වෙ නැති නිසා ආණ්ඩුවට නඩු? - නීතිඥයෝ රොත්තක් පෙරට

ඉන්පසු, රාජාංගන ජලාශයේ වාන් දොරටු විවෘත කිරීමෙන් තත්ත්පරයට ඝන අඩි 6476ක ජල ප්‍රමාණයක්, අංගමුව ජලාශයේ වාන් දොරටු විවෘත කිරීමෙන් තත්ත්පරයට ඝන අඩි 1164ක ජල ප්‍රමාණයක් කලා ඔය වෙත නිකුත් කර ඇති බවද ඒ මහතා පැවසීය.

ඉංජිනේරුවරයා සඳහන් කළේ, මේ වන විට ජලාශවල වාන් දොරටු විවෘත කර ඇත්නම්ද නිකුත් වන ජල ප්‍රමාණය අවම බැවින් පහළ ප්‍රදේශවල ගංවතුර අවදානමක් නොමැති බවයි. තවද, පසුගිය දින කිහිපයේ ඇතිවූ අධික වර්ෂාපතනය හේතුවෙන් වාරි ව්‍යාපාරයන්හි නිර්මාණවලට සිදුවූ අධික හානිය සඳහා තාවකාලික ප්‍රතිසංස්කරණ කටයුතු මේ වන විටත් ආරම්භ කර ඇති බවද එම වාර්තාවේ සඳහන්ය.

ඒ අනුව රාජාංගන ජලාශයේ දකුණු ඉවර ඇළ ප්‍රතිසංස්කරණය ආරම්භ කර ඇතැයිද එය අද දිනයේ අවසන් කිරීමට හැකියාව ලැබෙනු ඇති බවත් ඒ අනුව එම ජලාශයෙන් පෝෂණය වන වාරි ඉඩම් සඳහා ජලය ලබා දීමේ හැකියාව පවතින බවත් ඔහු සඳහන් කළේය.

මීට අමතරව ඇලහැර යෝධ ඇලෙහි ප්‍රතිංස්කරණද වාරිමාර්ග දෙපාර්තමේන්තුව යටතේ ආරක්ෂක අංශ, ගොවි සංවිධාන සහය මගින් නිම කරමින් පවතින බවත් ඉදිරියේදී ලැබෙන වර්ෂාපතනය සහ මොරගකන්ද ජලාශයේ නිකුත් කරන ජල ප්‍රමාණය අනුව මෙහි ඉදි කිරීම් කාලසීමාව තීරණය වනු ඇති බවත් පැවසූ ඒ මහතා සඳහන් කළේ අනෙකුත් වාරි නිර්මිතයන් හී ඉදි කිරීම්ද වාරිමාර්ග දෙපාර්තමේන්තුවේ අධීක්ෂණය යටතේ තාවකාලිකව ප්‍රතිසංස්කරණ කටයුතු සිදු කෙරෙමින් පවතින බවය.

මේ අතර වාරිමාර්ග අධ්‍යක්ෂ ජල විද්‍යා ආපදා කළමණාකරණ ඉංජිනේරු එල්.එස් සූරියබණ්ඩාර මහතා පැවසුවේ වාරිමාර්ග දෙපාර්තමේන්තුව සතුව තිබෙන ප්‍රධාන මිනුම් මධ්‍යස්ථාන සැලකීමේදී වැඩිම වර්ෂාපතනය වූ මිලිමීටර් 30-35 අතර ප්‍රමාණයක් බද්දේගම සහ රත්නපුර ප්‍රදේශයෙන් වාර්තා වූ බවය. එමෙන්ම ගංවතුර මට්ටම් සැලකීමේදී සාමාන්‍ය මට්ටමට වඩා ඉහළ මට්ටමක පැවතියේ තන්තිරිමලය මල්වතු ඔය බවත් එයත් මේ වන විට අඩුවෙමින් පවතින බවත් ඉංජිනේරුවරයා සඳහන් කළේය.

ඊසාන දිග මෝසම කාලගුණය උඩු යටිකුරු කරයි - උදේට මීදුම හවසට ගිගුරුම් සහිත වැසි

කෙසේ නමුත් එය ගංවතුර තත්ත්වයක් නොවන බවත් ජලාශවල ජලය අඩු කිරීමට ජලය නිදහස් කිරීමට කටයුතු කරන බැවින් ඇති වන තත්ත්වයක් බවත් පෙන්වාදෙන ඉංජිනේරුවරයා වැඩිදුරටත් සඳහන් කළේ මේ වන විටත් ප්‍රධාන ජලාශ කිහිපයක වාන් දොරටු විවෘත කර ජලාශවල පවතින ජලය අඩු කරමින් පවතින බවය.

ඒ අතරට දැදුරු ඔය, රාජාංගනය, නාච්චදූව, මෙන්ම අනුරාධපුර දිස්ත්‍රික්කයේ අනෙකුත් මධ්‍යම ප්‍රමාණයේ ජලාශ මේ වන විට වාන් දොරටු විවෘත කර ජල මට්ටම් අඩු කිරීමට කටයුතු කරන බවත් ඉංජිනේරු එල්.එස් සූරියබණ්ඩාර මහතා වැඩිදුරටත් අදහස් දක්වමින් පැවසීය.

රජයේ සේවකයන්ට විශේෂ දීමනාවක්