ආපදාවෙන් විපතට පත් පුද්ගලයින් සංඛ්‍යාව ලක්ෂ 2 ඉක්මවයි

කොළඹ - දිවයින පුරා ඇදහැලුණු අධික වර්ෂාව හේතුවෙන් ඊයේ (29) සවස 6.00 වන විට පවුල් 234,503ක් ආපදර්ශ ආපදාවට ලක්ව ඇති බව ආපදා කළමනාකරණ මධ්‍යස්ථානය අද (30) පැවැත්වූ මාධ්‍ය හමුවේදී අනාවරණය කළේය.

එම පවුල්වල සමස්ත පුද්ගලයින් සංඛ්‍යාව 833,985ක් වන අතර එය ලක්ෂ 8යි දහස් 33,985ක් ලෙස සටහන් වී ඇත.

මේ වන විට නිල වශයෙන් තහවුරු වූ මරණ 159ක් සහ අතුරුදන් 203ක් වාර්තා වී ඇති බවත් ආපදා කළමනාකරණ මධ්‍යස්ථානයේ සහකාර අධ්‍යක්ෂ ජයතිස්ස මුණසිංහ මහතා සඳහන් කළේය.

දිවයිනේ ප්‍රදේශ 919ක සුරක්ෂිත මධ්‍යස්ථාන පිහිටුවා ඇති අතර, එහි පවුල් 34,198ක් (පුද්ගලයින් 122,822ක්) රැඳී සිටින බවද වාර්තා වේ.

ආපදාවට ලක්වූ කාන්තා සහ ළමයින් ගැන දැනුම්දීමට නොමිලේ හොට්ලයින් දෙකක්

පවතින අයහපත් කාලගුණ තත්ත්වය හමුවේ වියළි සලාක මිලදී ගැනීම සඳහා ලබාදෙන මුදල් සීමාවන් සංශෝධනය කර ඇති බවත් මුණසිංහ මහතා කියා සිටියේය.

ඒ අනුව: තනි පුද්ගලයෙකු සඳහා සතියයකට රු. 1,800 සිට රු. 2,100 දක්වාත් පුද්ගලයින් 5ක් සිටින පවුලකට රු. 3,600 සිට රු. 10,500 දක්වා වැඩි කර ඇති අතර, ප්‍රාදේශීය ලේකම්වරුන් හා දිස්ත්‍රික් ලේකම්වරුන්ට මෙම නව සීමාවන් තුළ වියළි සලාක ලබාදීමේ බලය හිමිව තිබේ.

කෙසේ වෙතත් පිසූ ආහාර ලබාදීමේදී පැවති මුදල් සීමාවන් වෙනස් කර නැති බවද ඔහු අවධාරණය කළේය.

ආපදා තොරතුරු දීමට පොලීසියෙන් විශේෂ මෙහෙයුම් මැදිරියක්

තොරතුරු සඳහා දුරකථන අංක

ආපදා සහන කටයුතු පිළිබඳ තොරතුරු හෝ පැමිණිලි තිබේ නම් පහත දුරකථන අංකවලට ඇමතුම් කළ හැක:

ආපදා කළමනාකරණ මධ්‍යස්ථානය – 011 266 5258

ආපදා කළමනාකරණ අංශය හදිසි ඇමතුම් – 117

ජනතාවගෙන් ඉල්ලා සිටින්නේ කාලගුණ තත්ත්වය ගැන සැලකිලිමත්ව ක්‍රියා කරන ලෙසත්, අවශ්‍ය නම් ආරක්ෂිත ස්ථාන කරා යාමට පැකිලෙන්නේ නැතිව ක්‍රියා කරන ලෙසත්ය.

කොළඹ ජනතාවට ජල සැපයුම ගැන විශේෂ නිවේනදයක්