මහින්දානන්ද සහ නලින්ට මූලික විරෝධතා ඉදිරිපත් කිරීමට දින දෙයි

කොළඹ මහාධිකරණය විසින් අද (10) නියෝග කර ඇත්තේ, හිටපු අමාත්‍යවරුන් වන මහින්දානන්ද අලුත්ගමගේ, නලින් ප්‍රනාන්දු සහ ක්‍රීඩා අමාත්‍යාංශයේ හිටපු ලේකම් විශ්‍රාමික මේජර් ජෙනරාල් නන්ද මල්ලවාරච්චිට එරෙහි නඩුවේ මූලික විරෝධතා නොවැම්බර් 21 වැනිදා ඉදිරිපත් කරන ලෙසයි.

නීතිපතිවරයා විසින් ගොනුකර ඇති මෙම නඩුවේ චෝදනාව වන්නේ, 2015 ජනාධිපතිවරණයේදී මහින්ද රාජපක්ෂ මහතාගේ දේශපාලන කාර්යාලවලට බෙදාහැරීම සඳහා සතොස ආයතනය හරහා කැරම් බෝඩ් 14,000ක් සහ දාම් ලෑලි 11,000ක් ආනයනය කිරීම මගින් රුපියල් මිලියන 39කට අධික රජයේ මුදල් සාවද්‍ය පරිහරණය කිරීමයි.

පුවක්දණ්ඩාවේ සනා ගැන විමල් හෙළිකල ආන්දෝලාත්මක සාක්ෂි එළියට

කොළඹ මහාධිකරණ විනිසුරු බුද්ධික සී. රාගල මහතා ඉදිරියේ අද නඩුව කැඳවූ අවස්ථාවේදී මෙම නියෝගය සිදුවිය. බන්ධනාගාරගතව සිටින මහින්දානන්ද සහ නලින් ප්‍රනාන්දු බන්ධනාගාර නිලධාරීන් විසින් අධිකරණයට ඉදිරිපත් කර තිබිණි.

විත්තියේ නීතිඥවරුන් වන ජනාධිපති නීතිඥ සංජේ රාජරත්නම් සහ නලින් ලද්දුවහෙට්ටි මහත්වරුන් අධිකරණයට දැනුම් දුන්නේ, පැමිණිල්ලේ ලේඛන මෙතෙක් ලැබී නොමැති බවයි. නමුත් නියෝජ්‍ය සොලිසිටර් ජෙනරාල් මාධව තෙන්නකෝන් මහතා පැවසුවේ, ලේඛන අධිකරණ කාර්යාලයට භාරදී ඇති බවත්, ඒවා එතැනින් ලබාගත හැකි බවත්ය.

කෝල් කරන්න එපා.. ඒවා ආන්සර් කරගන්න බෑ - මාරම බිසි.. ඊමේල් කරන - චතුරංග

විත්තියේ නීතිඥ නලින් ලද්දුවහෙට්ටි මහතා පෙන්වා දුන්නේ, මීට පෙර අල්ලස් කොමිසමෙන් පැවරූ නඩුවකට සමාන චෝදනා මෙහිදීද ඇති බැවින් එකම චෝදනාවට යළි නඩු පැවැරීම සුදුසු නොවන බවයි. නමුත් නියෝජ්‍ය සොලිසිටර් ජෙනරාල්වරයා පැවසුවේ, මෙහි චෝදනා වෙනස් බවයි.

කරුණු සලකා බැලූ විනිසුරුවරයා, ලේඛනවල අඩුපාඩු තිබේ නම් මෝසමක් මගින් දැනුම් දෙන ලෙසත්, මූලික විරෝධතා නොවැම්බර් 21 ඉදිරිපත් කරන ලෙසත් නියෝග කළේය. බන්ධනාගාරගත සැකකරුවන් මීළඟ දින අධිකරණයට ඉදිරිපත් කරන ලෙසත් බන්ධනාගාර නිලධාරීන්ට නියෝග කෙරිණි. 

මෙන්න සුරක්ෂාවෙන් පාසල් සිසුන්ට තවත් ප්‍රථිලාභ